الإهداءات

منتديات النايفات الأدبيه ترحب بجميع الأعضاء والزوار وتتمنى للجميع وقت ممتع .. علما بأنه لن يتم تفعيل الأسماء المستعاره للرجال حفظاً للحقوق الأدبيه كلمة الإدارة

التميز خلال 24 ساعة
العضو المميز الموضوع المميز المشرف المميز
هلا المطرفي دعوة للحزن الجميل
بقلم : لمى ناصر
ياقوت

العودة   شبكة النايفات الأدبية > النايفات الادبيه > قسم الشعر النبطي " لغير المنقول " > دواوين الشعراء

آخر 10 مشاركات حنان امي (الكاتـب : واجدة السواس - )           »          وحبآ وموتا (الكاتـب : محسن السيف - آخر مشاركة : واجدة السواس - )           »          الدنيا انتِ............ (الكاتـب : رعد الحلمي - )           »          فراشة النبع (الكاتـب : صباح الحكيم - آخر مشاركة : ظميان غدير - )           »          دعوة للحزن الجميل (الكاتـب : لمى ناصر - آخر مشاركة : عوض بن أحمد - )           »          ( حزن عفوي ) بقلم الكاتبة / لمى ناصر أداء / عبدالله الشلالي (الكاتـب : ايمااان حمد - آخر مشاركة : لمى ناصر - )           »          قبسات إيمانية...متجدد (الكاتـب : لمى ناصر - )           »          والله إني لأستغفر الله وأتوب اليه (2) .. (الكاتـب : الادارة - آخر مشاركة : لمى ناصر - )           »          في حضرتك (الكاتـب : جعفر الحسن - آخر مشاركة : لمى ناصر - )           »          محاضرة ق.ق. جدا (الكاتـب : لمى ناصر - )

شجرة الاعجاب1معجبون
  • 1 Post By نافل علي الحربي

1 معجبون
إضافة رد
 
LinkBack أدوات الموضوع انواع عرض الموضوع
قديم 08-02-2018, 08:26 PM   #1
نافل علي الحربي
شاعر ومؤرخ


الصورة الرمزية نافل علي الحربي
نافل علي الحربي غير متواجد حالياً

بيانات اضافيه [ + ]
 رقم العضوية : 496
 تاريخ التسجيل :  Sep 2013
 أخر زيارة : 06-14-2019 (04:23 PM)
 المشاركات : 446 [ + ]
 التقييم :  15
لوني المفضل : #7D7F82
افتراضي باب الغزل من ديوان نافل علي الحربي الجزء الثاني



الباب الرابع: الغزل
( باب الغزل من ديوان نافل علي الحربي الجزء الثاني )
هذا الفصل الرابع، من هذا الديوان، خصصته لشعر الغزل، وشعر الغزل
هو الذي يقصد به وصف الحب الغرام، والحرمان، ومعاناة العاغشق،
وشدة ولعه في معشوقته، ووجده إليها، فيصف حاله مع هواها، ويستدر عطفها،
ويبثها ما يعاني بسبب تعلقه بها، ويصف محاسنها، وجمالها، والحبُ
وإن كان موجوداً في كل زمانٍ ومكان، أجمله ما كان في الزمن الماضي،
عند ما كانت تحكم الناسَ الأعرافُ، والعادات الحميدة، وكان الشرف،
والصدق عماد هذه الأعرافِ، والعادات المتعارف عليها، وأجزل شعر
الغزل ما كان عفيفاً، خالاً من الهزل، والميوعة، والسفسفة بالألفاظ،
التي توحي بالاضلال، والخروج على الآداب، والحشمة، والقيم الإنسانية النبيلة،
بل إلى العفة، والشفافية البرئية 0
****
****
1- حكمك عليه ما حكموه الطواغيت
****
يا مشغلٍ قلبي بحبك وقفيت = الخل ما يخفي هواه ونويه
شربت من عيهل عناك وترويت = لما حسبت احساب قرب المنيه
ان كان أنا بأسباب هجرك توفيت = أحسب احساب اللي جنيته عليه
النار لا تسكب عليها من الزيت = خلي لحالي من عذابك بقيه
عندي عزيز وفي عذابي تماديت = ورعا الوفاء ما ينتجازا بسيه
حكمك عليه ما حكموه الطواغيت = ولا صار حتى بقمة الجاهليه
صديتني عن حب غيرك وصديت = وعزيتني عن حب سبع اللفيه
أشوف حالي كل ما عنك سجيت = مخطي وعلى مثلي تجوز الزريه
****
****
2- معاناة طغواك
****
الله يعين القلب يا المستبده = قلبٍ تعذب من معاناة طغواك
بقربك وبعدك غيرته مستجده = في كل لحظه مستجدات ذكراك
كن مستقيم ولا يجي فيك رِده = على سبيل الحق حسّن نواياك
لا يصير في جوك تكدر وجده = صريح حين وتخفي أحيان قصياك
لا اقبلت بحين أحيان بقفاي صده = وأنا على هالحال ماني بوياك
للصبر حدود ولا تعديه حده = عده حدوده وافقده من تحداك
واللي صديق ومخلصٍ بالموده = إن طبت طاب ولا تحديت شرواك
وإلى زعمتي تستبيحين سدّه = ما أبعد حدوده عن مفاهيم مبداك
لا توصلك هده ولا طول مدّه = ودربه مخاطر لأهل الغي وأهلاك
أخلص بعطاه الود ويعطيك وده = ومع قبسة العجلان تاصل لمغزاك
لا اتيه مع حلمه وصبره وجده = تكذبك ظنونك مع متاهات هاذاك
****
****
3- على سلطان فكري وتكا
****
يا من على عرش الضماير تراكا = وهيمن على سلطان فكري وتكا
يبكيك من يبكي غلا ما يتباكا = صميدعي ما هو هشاشٍ وبكا
لا تستغرب منه الجزع والمشاكا = ما هو أول واحد من حبيبه تشكا
يا ما بمن يشكي حبيبه تحاكا = واليوم بغير الحب عجز يتحكا
كنه غريبٍ ساكنٍ في اسكاكا = وأهله وخلانه سكنهم بدكا
وإلا أسيرٍ من حساب الهلاكا= بالأسر باسرائيل وأهله بعكا
****
****
4- خداع ومعاذير
****
ربيع قلبي تو ما زال والوا= وتقفته سموم قيظ ومعاصير
الحب والفرقاء على الحال بلوا= اليوم حالي منه ما تنقر الطير
خدعتني بالحب يا طير شلوا= لولاك ما قلبي حزوز وقوارير
كل يوم اليوم وعذر والعذر يلوا= تصريف لما يحكمن المقادير
وأنا اتحرا تنتهي واتحلوا= وأثر التحلوي والعذر ما بهم خير
أنا على نيه ونيتك ملوا=ما عاد أصدق حبكن يالغنادير
والله ما أصدق سميرا وسلوا= حب النساء كله خداع ومعاذير
****
****
5- كلمته ما يحماها
****
تقول لي: (( وش لون حالك وكيف أنت؟! )) = وأنته بلا حالي وعيني عماها
يا مفرطٍ بقانون الأصحاب ما صنت = عرفك سبا حالي ملام وشناها
لأن ما أنت أمين وصاحبي منك ما أمنت = ما أمنت على حالٍ غدرها هواها
بلون القطاعه والمخادع تلونت = طبايعك سوء العواقب وراها
خنت الشرف والصدق لو صمت وأذنت = أعمالك خطاء دام الوفاء ما قداها
عليك لوم من الشرف كل ما خنت = ومن الصفات اللي شرفها بهاها
لولا الخيانه طاب حالي ولا هنت = ولأنك تخون الحال داها برداها
دام أنت في شين الطبايع تسننت = سنة الرداء شر الأحوال وبلاها
الله يخونك كان لا غبت أنا خنت = وأنا الذي أعطي المحبه وفاها
سقطت من عيني وفي رأيها شنت = ونفسي تعدا صبرها مستواها
يوم أنت ما قدرت حبي وثمنت = تقطعت دون العلاقه اعراها
يا اللي على الحبلين تلعب تيقنت = حقيقتك بيّن لعيني خفاها
وأنا احسب أني صاحبك وين ما كنت = أصون حبك صون عيني لماها
وافخر بعرفي لك إلى أشملت وأيمنت = ولا غبت زاد النفس عيا يهناها
وعيني تعادي نومها بغيبتك أنت = دون البشر وأثرك سالٍ بلاها
ما أبصرت في حالي ولا بوضعي أمعنت = دروب الرداء وابليس ناسٍ غثاها
وأثرك لك وجهين توك تبينت = لعنه على اللي كلمته ما يحماها
واليوم أنا في قطع وصلك تطمنت = ولا آسف على اللي سمعته ما دراها
يوم أنت ما صلحت حالك ولا أحسنت = وتسال عن حالٍ وثيقه أخطاها
****
****
6- ولا أرضخ لمفعوله
****
أنا وش أقول اليوم بعد الذي سويت = علامي يجي بالبال هرجي ولا اقوله
أنا لا بغيت أقول قولٍ منه ذليت = وسكت وتركت الهرج قوله ومنقوله
عقب ما حصل لي من كلامٍ به استشفيت = غليلي من المحبوب سبب عليّ قوله
ويا ليتني ما اشفيت نفسي منه يا ليت = ولا صار قولي ضد قصده ومأموله
غلبني حبيبي في جوابه وأنا أقريت = بعدها ما أقول القول رده ما هو حوله
لقيت الزعل سر الخطأ يوم له سويت = ولا رايح اطيعه ولا ارضخ لمفعوله
****
****
7- وعيني ما تطاوع للنفوس وهواها
****
مرت تمدرا تقل تاطا على بيض = أو تقل تقصر بالزلق من اخطاها
بيضاء بلا مكياج وأبيض من البيض = ذيك العذارى اللي خزنها اخباها
يا بعدها عن ناظرات التغاميض = وما أبعد نظرها عن أهلها ومداها
درة شرف ما هزها عنه ترويض = في ظل قومٍ ما يقرب احماها
وجدي عليها وجد من عض بالغيظ = على إبهامه لين نثر ادماها
أو وجد من صكت عليه المقاريض = عند الأطباء بالغدد واقصراها
مرضه خبيث وهرجهم معه تعريض = ما صارحوه بغدته وش بلاها
نفسي عليها تحرض العين تحريض = وعيني ما تطاوع للنفوس وهواها
واقفيت مثل الهيم وردت من احميض = داجت على الماء وصدرت في ظماها
قالوا علامك قلت غيض بعض فيض = خلو خفايا علتي في خفاها
****
****
8- أعكس من اظلالك على يمة الشمس
****
يا زين يوم ويوم بالفكر عامس = يومٍ سليم ويوم يبلغ به العمس
ربيع قلبي يوم تلقاه طامس = وإليوم الآخر يابسٍ لاحقه حمس
كل يوم رأيك باتجاهٍ معاكس = أعكس من ظلالك على يمة الشمس
لو قلت ما أبيه اليوم عودت ناكس = يا ما تقول أبيه ناسٍ كلام أمس
يقوله مراسيل العلن والمهامس = طبع التناقض فيك بالجهر والهمس
لا يكون حوف مدورين الملامس = بالك تطيع أعداك يا ناعم اللمس
ترى أن تبعت لشور ملعون خامس = عتّم عليك وصاب فكرك منه طمس
كم أتمنى لو أجي يوم رامس = لولا عواقب ما يترتب على الرمس
أبي السلام وباليمين المخامس = يحرم عليه ما عدا مصافح الخمس
****
****
9- تراك مقفيٍ وللحق مطلوب
****
أنا بلاي وعلتي بعض الأحباب = جرحٍ جرح قلبي من أسباب رعبوب
يا صاح أنا من شفتك القلب منصاب = واوجاس قلبي مع تصورك مصحوب
جرحي حصل من وسع عينك والأهداب = وقدٍ على ما تشتهي النفس منصوب
اتعبتني وارهقت فكري والأعصاب = اعيش في صوبٍ وباق الملا بصوب
يا صاح أنا مع درب الأصحاب هياب = وش عاد لو اني مع الناس مهيوب
أنا أديب ودارسٍ كل الآداب = وعندي على فهم الهوى علم وأسلوب
يا صاح أنا ان جاز لي طرد الأسباب = عندي دليل انك بالأسباب مغلوب
ان كان لأهل الحب مطلب وطلاب = تراك مقفيٍ وللحق مطلوب
****
****
10- جابتني القدره
****
جابتني القدره على دخلة احساب = يا ليت ما مريت فيه وفتحته
عن شوفتي هذا بلا ابوك يا عقاب = المنظر اللي شدني ما برحته
الصاحب اللي بمستوىٍ فوق الأصحاب = لو هو أمر في قص عنقي دمحته
هذا بلاي وكل شيٍ له أسباب = أنا الذي روحي بطرفي ذبحته
****
****
11- للحق لا وردت علي البينه
****
يا صاح ما كل الأوادم طيبين = ولا كل مدّانٍ يوفي مدينه
حملتني حملٍ وأنا ضلعي متين = للحق لا وردت عليّ البينه
اسير به سير الجمل بالوزمتين = يقطع بها حدب الطعوس اللينه
أرفع مقامي عن مقام الهابطين= اللي مكسبهم من الأمور الهينه
هذا وأنا للخل مطاوعٍ أمين = طول الزمن ما هي ظروف معينه
وأنته حبيب وكل معنى فيك زين = وحتى التراب اللي عليه تزينه
ما لك بقلبي لا قرين ولا وزين = ولا اشوف لك بين الأوادم عينه
****
****
12- للصبر والطاقه مقاييس وحدود
****
مع الأسف ما أقدر على دقة العود = ولا لي بعد خبره بجر الربابه
وأجر صوتٍ مع لحن صوته يزود = ونقنب كما تقنب جياعا الذيابه
عليك يا عيون المها ناعم العود = قلبي غدا من جور حبك خرابه
للصبر والطاقه مقاييس وحدود = أسف على صبرٍ على غير ثابه
****
****
13- نوايا الحبيبه
****
يا صاح أنا لي وقت مدة غيابك = ما ادري وش اللي صار عقب المغيبه
ما أدري على عهدي ومجرى هبابك = وإلا الزمن غيّر نوايا الحبيبه
أرجوك ردي لي بسرعه جوابك = يا سعد حظ اللي يجيبك نصيبه
ترى جوابك هو دواي لعذابك = عذابك اللي في فؤادي لهيبه
يا عل ظرفٍ صد بك وانتحابك = ما يعود يا عذب المزايا العجيبه
حلو ابتساماتك وصافي عذابك = ووجه الرضا اللي به براءه وطيبه
ورزانتك بالعقل بأول شبابك = يسوقني للحب سوق الغليبه
واليوم ساس الحسن حضرة جنابك = يا مثقفه يا واعيه يا أديبه
****
****
14- هجسي صار هاجوسك
****
ما أبيك تدري ولا أبى أحس باحساسك = غصبٍ عليه عرفت أمرك وحسوسك
سقستني من عذاب الحب في كاسك = يوم ألتقينا وهجسي صار هاجوسك
هني من هو حلاله يلمس الباسك = ىويشفي جروحه بحسب الشرع من بوسك
الزًين طولك وعرضك كامل اقياسك = وزِين النوايا ملك طبعك وناموسك
****
****
15- هرجة سفيه
****
قال من هو حبيبه عقب حبه جفاه = ما يعرف ويش غير رأي خله عليه
يا حبيبي تعلّم سرعة الانتباه = لا تطاوع عدوك خل قلبك نبيه
لا تخلي حبيبك لأجل هرج السفاه = لا تصدق بخلك أي هرجة سفيه
لا تعادي حبيبك لأجل هرج الوشاه = العدو كيف باله يوم تصغي إليه
لا تهاون بحبٍ عاليٍ مستواه = لا تخلي كلام الناس يثّر عليه
كل شجره أولها ومبتداها نواه = وكل نارٍ أولها من شرارٍ تليه
لا تحاول تلف السر والسر فاه = سر هجرك وصلنا واطلعنا عليه
لو تفيد الوساطه والسعي بالوجاه = كان جيتك بقومٍ كل واحد وجيه
كان عينك لغيري بالبني والرفاه = الذي ما يبينا بأرضنا ما نبيه
****
****
16- يكذب إلى قال هالنوبه
****
يا حول يا قلبي المحزون = إلى عذل زاد لاهوبه
لو هو عطاك اليمين يخون = يكذب إلى قال هالنوبه
قلبي بحب البني مفتون = يحرم على قلبي التوبه
يكفخ إلى الجادل المزيون = كفخة جناحين مقضوبه
قضا حياته شقا وغبون = ولا مرةٍ نال مطلوبه
****
****
17- اظروفٍ تخصه
****
يا وجد حالي وجد من طخ بالماص = من داعشيٍ واقفٍ بالمنصه
صميدعيٍ لا تردد ولا حاص = ولا صابته من شوفة الخوف كصه
ما رده الطابور ولا رمي قناص = لما هلم من جمع داعوش نصه
على الذي كله وفا لي واخلاص = من بيننا حالت اظروفٍ تخصه
درة مناعيرٍ على الطيب حرّاص = لهم بذكر الطيب مليون قصه
****
****
18- يا قلب حسّب ما بقي لك وما راح
****
يا مل قلبٍ دايم الدوم محزون = ما مرةٍ صفا له الجو مرتاح
ما ينوزن لو ظاهر الفعل مازون = يصير له عن يمة الوزن ميلاح
اغن قلت هو مفتون هالقلب مفتون = عجزت لأسلك به مساليك الاصلاح
لولاي أعدل به على كل قانون = ولاني لزلاته مسامح ودماح
أنا ذبحني جادلٍ خد وعيون = وشفايفٍ تذبح وبسمات ذبّاح
حبه يتل القلب تلٍ بلا هون = ودي أصير بلته منزل وشاح
يا قلب حب البيض له وقت وفنون = يا قلبحسّب ما بقي لك وما راح



 
غربة مشاعرمعجبون بهذا !.


رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


RSS RSS 2.0 XML MAP HTML

الساعة الآن 09:49 PM


Powered by vBulletin® Copyright ©2000 - 2019, Jelsoft Enterprises Ltd.
Content Relevant URLs by vBSEO 3.6.0
Ads Management Version 3.0.1 by Saeed Al-Atwi

هذا الموقع يتسخدم منتجات Weblanca.com
HêĽм √ 3.1 BY: ! ωαнαм ! © 2010
new notificatio by 9adq_ala7sas