الإهداءات

منتديات النايفات الأدبيه ترحب بجميع الأعضاء والزوار وتتمنى للجميع وقت ممتع .. علما بأنه لن يتم تفعيل الأسماء المستعاره للرجال حفظاً للحقوق الأدبيه كلمة الإدارة

التميز خلال 24 ساعة
العضو المميز الموضوع المميز المشرف المميز
خلود المطيري عدت لكم
بقلم : حسناء
محمد الناقي

العودة   شبكة النايفات الأدبية > النايفات الادبيه > قسم الشعر النبطي " لغير المنقول " > دواوين الشعراء

آخر 10 مشاركات تويترشعراء وشاعرات قسم الشعر النبطي (الكاتـب : الادارة - آخر مشاركة : نايف الناجي - )           »          رشت بيوتي فـــل يا روح روحي (الكاتـب : نايف الناجي - )           »          جرح الصدود (الكاتـب : محمد الروقي - آخر مشاركة : نايف الناجي - )           »          إحذر مجالس هيلها القيل والقال - من أحد اللقاءات في التلفزيون السعودي (الكاتـب : خالد البلوي - آخر مشاركة : نايف الناجي - )           »          ظلِّي (الكاتـب : عبدالله الصقري - آخر مشاركة : نايف الناجي - )           »          عيون بكت دمها (الكاتـب : أحمد صعفق - آخر مشاركة : نايف الناجي - )           »          لاتساليني (الكاتـب : علي فرحان الخمشي - آخر مشاركة : نايف الناجي - )           »          صوت الربابة ..! (الكاتـب : منصور الرويلي - آخر مشاركة : نايف الناجي - )           »          شجيع القوم يجزع به قريب ومن بعيد الناس (الكاتـب : نايف الناجي - )           »          راع العيون الناعسه وين ممساه (الكاتـب : نايف الناجي - )

شجرة الاعجاب1معجبون

44 معجبون
إضافة رد
 
LinkBack أدوات الموضوع انواع عرض الموضوع
قديم 07-30-2016, 10:21 AM   #1
خالد عبيد معتوق الاحمدي
شـــاعـر
صقر المراقيب


الصورة الرمزية خالد عبيد معتوق الاحمدي
خالد عبيد معتوق الاحمدي غير متواجد حالياً

بيانات اضافيه [ + ]
 رقم العضوية : 1102
 تاريخ التسجيل :  Apr 2016
 أخر زيارة : 02-08-2018 (12:24 AM)
 المشاركات : 828 [ + ]
 التقييم :  11
لوني المفضل : #7D7F82
افتراضي



/
/
/


اسقيته العدوان سمّك فالقتال =ياجيشنا الباسل على حدّ الجنوب
ورّيتهم قوّ العزيمه فالرّجال=ورّيتهم كيف الشّجاعه فالحروب
دافعة عن دوله لها قدر وجلال=هي مركز الاسلام فالازم تنوب
دولتك دولة عز تسقيك الزلال=تستاهل انك لجلها تاطا الكروب
ومنها المدد ياصلك لاحمي النّزال=ايجيك من يفزع على خصمك غضوب
انته تدافع عن عقيده والمنال=توحيد ربّ البيت هو نور القلوب
اضرب على العايل وصيبه بالعضال=حتّى الذي وصّاه في فعله يتوب
وطيّار يامغوار من فوق الجبال=ارمي حمم فوق العدو توقد شبوب
رمي الأبابيل المسوّم يوم طال=روس العدا جاها الخطر ينزل صبوب
واليا نهيت امهمّتك رح لشّمال=واهديلنا نصرك على النّذل الكذوب
ياجيشنا ياعزّنا فيك الامال= ماخيّبة والنّصر هبّة له هبوب
الشّعب يتضرّع لربّه ببتهال=يطلب لكم نصرٍ بلا غبن امحسوب
انتم رجال العزّم متهاب الآجال=ياجندنا منكم نرى العزم الدّؤوب
تحت لواء العدل رمز الاعتدال=ذروة سنام الدّين قمتوبه وجوب
من مات منكم نال عزه والمئال=إلى حنان الخلد والدّار الرّحوب
واللي يصاب امعوّض بحالٍ ومال=يبشر بلطف الله وتكفير الذّنوب
هنّيت فيكم رمز محمود الخصال=وهنّيتكم باللي عن الشّين امحجوب
مليكنا ياعزّنا للوقت مال=ياناصر المستضعفين امن الشّعوب
الشّاعر/ خالد بن عبيد بن معتوق ألأحمدي



 


رد مع اقتباس
قديم 09-20-2016, 05:36 PM   #2
خالد عبيد معتوق الاحمدي
شـــاعـر
صقر المراقيب


الصورة الرمزية خالد عبيد معتوق الاحمدي
خالد عبيد معتوق الاحمدي غير متواجد حالياً

بيانات اضافيه [ + ]
 رقم العضوية : 1102
 تاريخ التسجيل :  Apr 2016
 أخر زيارة : 02-08-2018 (12:24 AM)
 المشاركات : 828 [ + ]
 التقييم :  11
لوني المفضل : #7D7F82
افتراضي




خالد بن عبيد الأحمدي=

ياسلام الله سلام ن يقرّر فالدّروس=يدرس من اول سنه لين يصل الجامعه
مابقى الاّ كمّ ليله وتطحنّ بالضّروس=من لحوم الضّان تملا البطون الجايعه

حفيد الحجيري =

مرحبا ترحيب وافي وحدّه حدّ موس=تحت حدّه روس بعض الخلايق خانعة
كل نفس بهمّها يا مريحين النّفوس=همّنا أكبر والنفوس بهواها قانعة

خالد بن عبيد الأحمدي=

البقا بالشّاعر اللي كتب رقم الجلوس=فمتحان الشّعر يوم العلوم الفارعه
الشّريعه همّنا لايجي فيك العبوس=قلّنا وش همّك وبيش نفسك طامعه

حفيد الحجيري =

لأحتمى الميدان ياخالد ابْنعطيك قوس=وإن عجزت إعْطه لباريه وإقعد تابعه
الشّريعة ما تركها سوى فرس ومجوس=ولو ما حنّا نقيمها كان بقعا قابعة
��

خالد بن عبيد الأحمدي=

ماطلب فزعتك بالقوس ولاّ بالفلوس=العقيد المشتهر بالعلوم النّافعه
والمجوس المنتنه واليهوديه نجوس=كان تعلن ضدّها الحرب جتها فاجعه
��

حفيد الحجيري =

عن لزومه ما تعذرّ كليب عْن البسوس=يا لزومي فزعتي معك ماهي ضايعة
العريس أبو فهد ؛ يومها إيران العروس=ومن يحسبّ عاقبتها ما عضّ أصابعه

خالد بن عبيد الاحمدي=

انت لو عندك فكر في علومك ماتحوس=كيف فزعتنا معك يالنّفوس اليافعه.
والمليك ابو فهد دقّ روس بروس روس=صيت يحمل هيبته كل واحد سامعه


 


رد مع اقتباس
قديم 09-27-2016, 01:08 AM   #3
خالد عبيد معتوق الاحمدي
شـــاعـر
صقر المراقيب


الصورة الرمزية خالد عبيد معتوق الاحمدي
خالد عبيد معتوق الاحمدي غير متواجد حالياً

بيانات اضافيه [ + ]
 رقم العضوية : 1102
 تاريخ التسجيل :  Apr 2016
 أخر زيارة : 02-08-2018 (12:24 AM)
 المشاركات : 828 [ + ]
 التقييم :  11
لوني المفضل : #7D7F82
افتراضي




خالد بن عبيد الاحمدي=

طال ليلك على الاطلال وانته تصيح=مادريت ان وقتك مايرجّع فوات
فالهوى ضاع عمرك يالمحبّ الجريح=كلّ ماجاك ناصح قلت ويش السّواة

بخيتان بن بخيّت البشري=

انت ياللي تشمّت كنت قبلي طريح=مير يالله زبنتك من دروب الغواة
الهوى ماجفاني عشت به مستريح=راح كل التّمر ماباقي الاّ النّواة
خالد بن عبيد الاحمدي=

ماتشمّت عليك ولايطيح النّصيح=جيت درب الغواة وفيك بعض الصّفات
تدّعي بالسّلامه علم ماهو صّحيح=لو بغينا نقارن فيه بالمعطيات
""]
بخيتان بن بخيّت البشري=

الصّفات الحميدة مكسبي يامليح=وانت لو كنت مثلي يزعلون الوشاة
السّلامة غنيمة يوم صدقك شحيح =مجمل العلم من يمّك بلا مُخرجات

خالد بن عبيد الاحمدي=

مانبي نحرجك مادام صدرك فسيح=الصّراحه تزعّل ناس بعض الساعات
الحبر خطّ سطر اودّك انّه يسيح=مير سرّك في بير اقنع ضميرك وبات

بخيتان بن بخيّت البشري=

انت من غير ادفك قمت قدمي تطيح=مير حاول تمسّك لو بكمّ العباة
صح زرّاع لكن نص زِرِعتك شيح=ماش محصول مثل الماء براس الحصاة



 

التعديل الأخير تم بواسطة كحيلة حرب ; 11-22-2016 الساعة 10:05 PM

رد مع اقتباس
قديم 11-12-2016, 09:05 AM   #4
خالد عبيد معتوق الاحمدي
شـــاعـر
صقر المراقيب


الصورة الرمزية خالد عبيد معتوق الاحمدي
خالد عبيد معتوق الاحمدي غير متواجد حالياً

بيانات اضافيه [ + ]
 رقم العضوية : 1102
 تاريخ التسجيل :  Apr 2016
 أخر زيارة : 02-08-2018 (12:24 AM)
 المشاركات : 828 [ + ]
 التقييم :  11
لوني المفضل : #7D7F82
افتراضي



كلّي فخر لنّي من اهل المدينـه=اللي بها مدفون سيد الخلايق
هي مارز الايمان وارضٍ حصينه=والله لها بالخير والعـز سايق
تنفي خبثها لو تطـوّل سنينـه=عن باقي البلدان فيهـا فرايـق
من عافها ينعاف نهجه ودينـه=يصبح لطعم السّم والهمّ ذايـق
في جيته سيد البشر مع عوينه=حصّل بها قوم الوفا والصّدايـق
نشيدهم باجمـل دررّ ناضمينـه=في محفلٍ للضّيف راقي ولايق
من دونها ناقف حصونٍ متينه=خلّ العدو يلقى بدربه عوايـق
ومالوم قلبي لاشكي من حنينـه=فالبعد لابدّه من الوضع ضايـق
وان جيتها ياناس شفت السّكينه=في حرّها في بردها عشت رايق
والاحمدي عبّر لكم عن كنينـه=مخبور طبعه مايـدسّ الحقايـق
باصعب بحور الشّعر قاد السفينه=له هاجسٍ محلاه لاصار فايـق
خصّص قصيدة نظم لهل المدينه=دام اسكنوا بجوار سيد الخلايق


الشّاعر / خالد بن عبيد بن معتوق ألأحمدي


 

التعديل الأخير تم بواسطة كحيلة حرب ; 11-22-2016 الساعة 10:06 PM

رد مع اقتباس
قديم 11-12-2016, 09:10 AM   #5
خالد عبيد معتوق الاحمدي
شـــاعـر
صقر المراقيب


الصورة الرمزية خالد عبيد معتوق الاحمدي
خالد عبيد معتوق الاحمدي غير متواجد حالياً

بيانات اضافيه [ + ]
 رقم العضوية : 1102
 تاريخ التسجيل :  Apr 2016
 أخر زيارة : 02-08-2018 (12:24 AM)
 المشاركات : 828 [ + ]
 التقييم :  11
لوني المفضل : #7D7F82
افتراضي



خالد بن عبيد بن معتوق ألأحمدي=

صارت علومٍ تذهل العقل الرّزين=حقّ الكبير ايروح فيدين الصّغير
وماكل عمله في زمنّا تنصرف=واللي عقد روس الحبال يحلّها

والحقّ وان طال الزّمن لازم يبين=وان كان يافوّاز ينّبك الضّمير
نبغاك يافوّاز فيها تعترف=واللي عقد روس الحبال يحلّها


فوّاز بن محسن الزّويهري=

من سيّره موج البحر ماله عرين =يروح لعبه بين الأول والأخير
والصّخره اللي بالمسيله تنجرف=واللي عقد روس الحبال يحلّها

فوّاز فوق سهيل يالرّجل الفطين =حافظ حقوق الله بالعلم المنير
مير أنت يا خالد رياضي محترف=واللي عقد روس الحبال يحلّها


خالد بن عبيد بن معتوق ألأحمدي=

اسطولنا فوق البحر ثابي سنين=ماخاف من موجه ولا شافه خطير
مسكين ياللي عام دمعك ينذرف=واللي عقد روس الحبال يحلّها

شهادتك ماخذتها رطب الجبين=اخذتها بالزّور والله بك بصير
والله ياويل اللي لذنبه يقترف=واللي عقد روس الجبال يحلّها


فوّاز بن محسن الزّويهري=

الهرج ماله جمركه مير أنت زين =ودّك يجيكم عند بابك كل خير
مير الفعايل في أهلها تنعرف =واللي عقد روس الحبال يحلّها

من كان به نقصٍ يعيب الكاملين =حنا اعتلينا وأنت ما تبغى تطير
يا منكر التّاريخ ويش بك ما ترف =واللي عقد روس الحبال يحلّها

خالد بن عبيد بن معتوق ألأحمدي=

لايا جميل النّطق هرجي لك ثمين=واسعى ورى الغايات بالجهد الكبير
يوم انت في مسعاك منته منكرف=اللي عقد روس الحبال يحلّها

الوافيه قسمي وضاق النّاقصين=ابدون ماتاكل حلاوه ماتسير
واليوم من حالك ضميرك منطرف=واللي عقد روس الحبال يحلّها


فوّاز بن محسن الزّويهري=


أنته وأنا نقلط على سمن وسمين =المشكلة في كف ما تشبع فقير
والشّجره اللي ما اثمرت ما تنخرف =واللي عقد روس الحبال يحلها


كلاً على ملّته بيحط العجين=قرص الدّخن ماهو كما قرص الشّعير
واليوم يا خالد علامك منحرف =واللي عقد روس الحبال يحلها


 


رد مع اقتباس
قديم 11-12-2016, 09:16 AM   #6
خالد عبيد معتوق الاحمدي
شـــاعـر
صقر المراقيب


الصورة الرمزية خالد عبيد معتوق الاحمدي
خالد عبيد معتوق الاحمدي غير متواجد حالياً

بيانات اضافيه [ + ]
 رقم العضوية : 1102
 تاريخ التسجيل :  Apr 2016
 أخر زيارة : 02-08-2018 (12:24 AM)
 المشاركات : 828 [ + ]
 التقييم :  11
لوني المفضل : #7D7F82
افتراضي



عند الله النّفس بيّن لك مراتبها=فكتابه آيات فسّرنا تلاوتها
امّاره بسوّ.لوّامه لصاحبها=والثّالثه مطمئنّه في نهايتها
خلّك مع الثّالثه واغنم مكاسبها=وان قلت لي كيف امشّيها بسكّتها
اقول ذا دور صاحبها بواجبها=يجعلّ لها الدّين دستور فربايتها
اجلسّ مع النّفس حاسبها وأنّبها=افرح لحسناتها وازعلّ لسيّتها
وحارب هواها إذا تبغى تهذّبها=ترى هوى النّفس هوّ اسباب علّتها
وانأى بها عن مواقيفٍ تعيّبها=والنّفس من عزّها نزّه ملذّتها
واصنع لها هيبه من الله تهيّبها=لايجرح النّاس كبرتها وزلّتها
وقلّ الموافا مع الاجواد ذاربها=وطيب الوفا ماهو منقّص مكانتها
وقرابتك لو تضرّك لاتحاربها=ادمح لزلّاتها تكسب مودّتها
لاتغرّك القوّه ان كبرت مضاربها=مردّها النّقص في قمّة كمالتها
دنياك فحوالها مكثر تقلّبها=لوانّها سرّتك ماادّوم فرحتها
الجاهل اللي ورى دنياه خايبها=والعاقل اللي كسب للنّفس عزّتها
يجلس معاها يحاسبها وينّبها=يفرح لحسناتها يزعل لسيّتها


الشّاعر / خالد بن عبيد بن معتوق ألأحمدي


 


رد مع اقتباس
قديم 11-12-2016, 09:19 AM   #7
خالد عبيد معتوق الاحمدي
شـــاعـر
صقر المراقيب


الصورة الرمزية خالد عبيد معتوق الاحمدي
خالد عبيد معتوق الاحمدي غير متواجد حالياً

بيانات اضافيه [ + ]
 رقم العضوية : 1102
 تاريخ التسجيل :  Apr 2016
 أخر زيارة : 02-08-2018 (12:24 AM)
 المشاركات : 828 [ + ]
 التقييم :  11
لوني المفضل : #7D7F82
افتراضي



مجلسّ الامن انكشف يرفض احلال السّلام=يدّعي بحيادته للحقيقه به جحود
ينظر بعين المصالح مزيّف للكلام=مصلحة صهيون عنده ضمانه بالوجود
لجل ذالك مانوى بالنّصيري بصتدام=دام نهج اسياسته جات رغبه لليهود
والنّصيري طاغيه لاسلم فيه العضام=وداعمينه جعلهم حال فرعون وثمود
غوطة الشّام اشتكت من عناها ماتنام=الكيماوي بادها والجثث فيها شهود
والحرار الباسله ثايره ضدّ النّظام=فاقدين احبابهم شرّدوا برّا الحدود
البيوت العامره دمّرت صارت حطام=والبراميل اسقطتّ دمّرتها مع سكود
والشّجر ليته سلم من فعل صاروخ سام=والمجاعه خلّته يصبح اطعام اوّقود
ارضهم ماعاد تنبت لهلها من طعام=بعد مازال اللحم راحوا اعضام وجلود
لاكن الشّعب الابي مايعرف الانهزام=رغم مايجري بهم شعبهم معلن صمود
ومجلس الامن ايتفرّج ولا فيه اهتمام=ومايهدّي غيضنا لو يرسّل من وفود
شامنا ياشامنا عزّك الله بالكرام=ينصرون امقاومه تهزم الخصم اللدود
والعذر مايوفي اللي مثبّت بالملام=بان تقصير العرب بعضهم فيهم ركود
ويادولنا فالخليخ العروبه لاتضام=انصروا سنّة نبي حاربتها اقلوب سود
زاد حقد الفرس مع بعض حقد اعيال سام=احتموا لوطانكم من غدر حاسد حقود
صفّوا بصفّ المليك المشيّم بالمقام=وارث الملك العدل من جدودٍ عن جدود
حامي احدود الوطن ماسح ادموع اليتام=من سلايل قوم ماتنجب الشّخص الشّرود
ناصر السّنه وله عندنا كل احترام=انصره ياربّنا واخزي النّذل الحسود
ودام عزّ اللي نصر دين ربّه بالحسام=ودام عزّك ياوطن والعروبه لك جنود
عندنا مسجد نبي عندنا البيت الحرام=يحفظ الله دولة المملكه وآل السّعود


الشّاعر/ خالد بن عبيد بن معتوق ألأحمدي


 


رد مع اقتباس
قديم 11-12-2016, 09:22 AM   #8
خالد عبيد معتوق الاحمدي
شـــاعـر
صقر المراقيب


الصورة الرمزية خالد عبيد معتوق الاحمدي
خالد عبيد معتوق الاحمدي غير متواجد حالياً

بيانات اضافيه [ + ]
 رقم العضوية : 1102
 تاريخ التسجيل :  Apr 2016
 أخر زيارة : 02-08-2018 (12:24 AM)
 المشاركات : 828 [ + ]
 التقييم :  11
لوني المفضل : #7D7F82
افتراضي



على طلب جمهور شجّع لشاعر=ايسرّهم في ترجمان المشاعر
والشّاعر المحبوب بالودّ شاعر=( يحفظ لهم تقديرهم طول الا زمان)
ويقول هذا فضل من عند ربّي=اللي جعل من بعد الاعجاب حبَّي
يسكن صدور اللي لحرفي تلبّي=( اشكرك في نعمتك يارب منَّان)
ومن شاعرٍ مرباه بارض الحجازي=شعر المعاني عندنا له مفازي
والّا الهزل مايجلب الاّ التّهازي=( حنّا نصون القاف معنا وبنيان)
من بعدها نبدا بنظم المعاني=تصوير واقعنا من اللي نعاني
اسوقها لنَّاس عنوه بعاني=(مصيوغةٍ بابداع غايه بالاتقان)
نبدابها قول العباره صريحه=منضومةٍ ببيات صنع القريحه
ومن ديننا الاسلام دين النّصيحه=( ايحثّنا للنّصح بآيات قرأن )
وياقاري الابيات بعد السَّلامي=ابغاك تحفظها بفهم الكلامي
هذي خلاصه من ثلاثين عامي=( من تجربه والتّجربه خير برهان )
ايقولها خالد بن عبيد واسمع=امثال مثل الماس مغري ويلمع
ماجابها راجي من النّاس مطمع=( يرجو فضل مـن يامر النَّاس بحسان)
البخل عمره ماجلب عزَّ وسرور=راعيه عنده مال ويعيش مقهور
اليا لفاه الضّـيف تلقاه مذعور=( دايم وحاله عابس الوجه طفشان)
والاجودي يوصف بوصف الرّجاله=تلفيه في داره وسمحٍ قباله
يسخى لو انّه مايجمّله ماله=( واهل الكرم من رازق الخلق تنعان )
وما مثله اللي يتّصف بشجاعه=مكارم الاخلاق تلزم طباعه
فيه العفو عنده قبول الشّـفاعه=(وطبع الشّجاع مسـدد بفعل رحمان)
خلّيك مثله دوم يابعد حالي=درب الخطا لاتجيه مابه معالي
وللحق كلمه قولها لاتبالي=(لاتفتكر فالنّاس لو مين ماكان)
موتتك مرّه ماهي بعشر مرّات=جهّز لها طيب الذّكر والصلاوات
وان متّ لك جمعه مع اخيار الاموات=(والعمر ماينعاد لوبغلا الاثمان)
عيش الحياه بحلوها واعتبرها=الفانيه لو انّنا نعتمرها
والنّاس جاملها ولاتحتقرها=(نتيجة الحقران تحصل بحقران)
اظهر لهم طيبك وكلّ احترامك=وفصناعة المعروف يعلى مقامك
ولاتخاصم اللي راغبٍ في خصامك=(واحذر تهقوى وان تهقويت غلطان)
والمنّ بالمعروف تفسيد معروف=وحلاوته لاصار ماهو بمكشوف
ولو ينجحد لاتلحقه غيض وحسوف=( دام الجزا ياتيك من ربّ الاكوان)
ليّن جنابك والتّواضع يامحلاه=هذي صفه فالعبد يرضي بها الله
وصدر الحليم ايزيد فالوسع لاجاه=(واحد ضعيف الحال وافعقله اجنان)
واغنم شبابك فالشَباب الفتوَه=وافشبّتك جيب الوفا والمروّه
ولازم يجيك الضّعف من بعد قوّه=( قمّة كمال الشّي تخلف بنقصان)
لاتنطق الا قول فيه اللطافه=واضحك ومازح بالادب والثَّقافه
وايّاك والتَّجريح والاَّ اللقافه=(اثنينها للمرء تاتي بخسران)
واجلس مع اللي ماينقص جليسه=في مجلسٍ فيه العلوم النّفيسه
وخلّك ثقيل ان قلت قولٍ تقيسه=( والثّرثره ماهي لمن صان الاقنان)
وترى الشّهاده حق لاتحـتفظّها=اعلنّ بها لامن تهيّا غرضها
واعرف ترى الشّجعان تنصف بعضها=( تذكر مناقبها لو تكون عدوان)
واليّا عشقت لزوم تصدق بعشقك=خلّ الذي حبّيت يوثق بصدقك
حافظ عليه احفاظ جيبك لرزّقك=(وانهاك عن دربٍ به الحيف عنوان)
وان شفت من حبّيت يبدي صدوده=لاتتبعه تجرحك قسوة ردوده
والرجل تظهر هيبته في ركوده=(مايظهر اشواقه لو يكون شفقان)
ومن لا يريدك نقص كانك تريده=يبغى يكيدك وانت ثقلك يكيده
تراه لوّ عوّد يعوّد يعيده=(وايزيد تعذيبك إلى صرت عشقان)
واحذر تبدّل لامر دينك بدنياك=لو كان هذا الامر فالفتنه اغراك
تراه مايغنيك لو يظهر اغناك=(وان طالت اعزوبيّتك عشت حزنان)
والرّزق لاتسعى تجيبه محـرَّم=من شان ماتصبح بفعلك مغرَّم
واللي محلَّ الرَّزق يبقى مكرَّم=( وحضّ القنوع بعزته رفعة الشّان)
وايَّاك والشّينات لو عشت بالجوع=خلَّك نظامي هاجر لكلّ ممنوع
وماتعمله فالنَّاس لابد مرجوع=(كلّ السّوايا دين والرّب ديّان)
واحسب حساب لكل قولٍ تقوله=ولاتقول قولٍ بالفعل ماتطوله
واللي يحب الله يتبع رسوله=(يعمل بهديَّه لاحضر كل ميدان )
والوقت لو هو فايرٍ منه دمّك=لاتحسب ان الله يكفيك همَّك
إلا انكسبت ارضاه فآبوك وامَّك=(يضفي عليك الخير مع جلي الاحزان)
ولمّ الشمل يحصل بوصل القرابه=في قربهم تصنع لنفسك مهابه
ادمح خطاهم لاتجيب المعابه=(شقر العصى يفرح بها كلّ خوّان )
وان جاب بعض النّاس هرج النّميمه=ميّز كما ميز العقول الفهيمه
واحذر وبعض الضّن يحسب جريمه=( كم عاقل ايغرّه مع النّاس شيطان)
ولو يزرع الشّيطان بعض العداوات=بينك وبين اقآربك والصّداقات
لجل اللعين ايحب هدم العلاقات=( لولاه ماينشاف فالارض حدمان)
خلّك حريص برغبتك بالتّفاهم=قدّام يحصل بالمسائل تفاقم
واجه به اخصومك وبالحلّ ساهم=( ومن ياخذ ويعطي مع النّاس كسبان )
وان طوّل الوسواس صلّ وتضرّع=واعمل بيدنك والعقل لاتسرّع
والوقت بظهار الحقيقه تبرّع=( مهما يطول اغموضها لازم اتبان)
وصلاة جوف الليل تعمر حياتك=وبتلاوة المصحف تزيد احسناتك
ياالله عسى لاجات لحظة وفاتك=(نطق الشّهاده مايخيّب به لسان)
اعرف ترى الصّدقه تتطوّل بعمره=وتنجيه ميتة سوء وتيسّر امره
مـاتحتقر لو جابها شِـقّ تمره=( وللي عملها خير يرجح بالاوزان)
وابعد عنه لوكان نفسك تراودك=يجبرك بالوحده عن النّاس يبعدك
وماني على اللي فيه حسرات ميّدك=( لابد للمديون بالدّين ينهان)
والجار له حرمه حرامٍ تجيها=لو بانت الفتنه من اللي يبيها
مثل القرابه واجبٍ تحتميها=( ومن يحتمي جاره لقا خير وامان )
واستر عيوب النّاس لو تتضح لك=ولوتحسب اخطاها ماكبّرت عقلك
لوكان فيها غيض تسعى لقتلك=( ربّك يفشّل كيدهم كلّ مابان)
ولاتعلّق الخيبه على السّحر والعين=انته سبب خيبتك لو تفتكر زين
ممكن مطاوع للهوى والهوى شين=( ولاّ ظليمة ناس في بعض الاحيان)
انهض بعزمك خلّ عندك ايراده=وايّاك تيأس لو تشوف النّكاده
والرجل في عزمه يحصّل مراده=( مايفوق عزمك عزم ياعزم الانسان)
ولاشطّت احوالك وضيّق فمسعاك=وزادت بك اهمومك وكثروا لك اعداك
صلّي فجوف الليل يسعدك مولاك=( ولاتروح للي يستعينون بالجان)
ابعد عن اهل الشّرك ماينفعونك=مايفلحون بحلّ لو يوهمونك
في شركهم عن ديننا يبعدونك=( والشّرك ظلم وقالها العبد لقمان )
واعرف ملوك الجنّ لوهي فضيعه=ماهي بكفو اهل القلوب الشّجيعه
ايصيبها القلب الشَّجيع بفجيعه=(واللي قوي قلبه قويٍ بالايمان)
وفنهاية الطّاروق تبقى رساله=يعمل بها مثلك رجال الشّكاله
للدّار حق وتاخذه بالعداله=(وشّلون لو دولتك من عزّ الاوطان)
دار السّعود الغاليه مملكتنا=فيّها تهنّينا وهي مالكتنا
واملوكها في حكمها قدّرتنا=( نسعـى لوحدة صفّها شعبٍ اخوان)
واعلنّ ولائك لاطّاوع لحسّاد=ترسلّ سموم الهرج من دافع احقاد
اوغاد واللي طاوع لهرجة اوغاد=( اصبح مساويهم بالاوهام غرقان)
يادارنا عيشي بخيـر وسلامه=واللي تعرّض لك مصيره ندامه
ايموت مايلقى امكفّن عضامه=( عيشي بعزّك دونك الطّرف سهران )
هذا وصلّوا عد ماطار قرناس=واعداد ماخطّ القلم فوق قرطاس
على البشير المصطفى منذر النّاس=( وياالله تفتح لي لجنّتك بيبان )


الشّاعر / خالد بن عبيد بن معتوق ألأحمدي


 

التعديل الأخير تم بواسطة كحيلة حرب ; 11-22-2016 الساعة 10:08 PM

رد مع اقتباس
قديم 11-12-2016, 09:26 AM   #9
خالد عبيد معتوق الاحمدي
شـــاعـر
صقر المراقيب


الصورة الرمزية خالد عبيد معتوق الاحمدي
خالد عبيد معتوق الاحمدي غير متواجد حالياً

بيانات اضافيه [ + ]
 رقم العضوية : 1102
 تاريخ التسجيل :  Apr 2016
 أخر زيارة : 02-08-2018 (12:24 AM)
 المشاركات : 828 [ + ]
 التقييم :  11
لوني المفضل : #7D7F82
افتراضي



لاتهدّك ضيقتك لو تحدّتك الضّغوط=تنفرج لك كربتك كلّ مازادت حرج
رحمة الله واسعه ماتبي شخصٍ قنوط=والعسر فيه اليسر والصّبر بعده فرج
ولا تطاوع للهوى ماعلى وقتك شروط=الهوى مثل اللحد من دخل به ماخرج
ومن تغرّه بنيته صار آيل لسّقوط=نكسته يدرابها لوّ ما عنها هرج
ومن تواضع يرتفع مايجي فيه الهبوط=رافقه في دنيته صيت مع بخت انمرج
والحكي يظهر لكم بالرّجل ماذا ينوط=ومن تسفّل بالحكي منزله منه انكرج
والعلوم الغانمه في مكرّمها تحوط=من تعوّد فعلها عن طريقه ماانعرج
والفتنّ واهل الفتن تنتهيبك لشّطوط=لاتعلّى خيلها لوّ بالزّين انسرج
والزّمن هذا يده مثل يدّ الاخطبوط=من يضمّه في يده في ضحاياه اندرج
ولا تهدّك ضيقته لو تحدّتك الضغوط=تنفرج لك كربتك كل مازادت حرج
النّصيحه جبتها شعر بالجزل امخلوط=من تبع مضمونها حضّه بوقته برج



الشّاعر / خالد بن عبيد بن معتوق ألأحمدي


 


رد مع اقتباس
قديم 11-12-2016, 09:29 AM   #10
خالد عبيد معتوق الاحمدي
شـــاعـر
صقر المراقيب


الصورة الرمزية خالد عبيد معتوق الاحمدي
خالد عبيد معتوق الاحمدي غير متواجد حالياً

بيانات اضافيه [ + ]
 رقم العضوية : 1102
 تاريخ التسجيل :  Apr 2016
 أخر زيارة : 02-08-2018 (12:24 AM)
 المشاركات : 828 [ + ]
 التقييم :  11
لوني المفضل : #7D7F82
افتراضي



ياحافظ القرأن رتّل بيانه=امّا مقام الرّست ولاّ حجازي
اقراه وارقى فيه لعلا مكانه=جوّد ورتّل وانت لبليس خازي
خلّ الذي يسمعك باله واذانه=تصغي على قوّة بعيد المغازي
لوهو معه شيطان زاده شطانه=يعلن بها توبه ومن تاب فازي
تنزيل ربٍ جلّ قدره وشانه=أيآت محفوظه وفيها احترازي
مرسل بها جبريل وادا الامانه=للي مأديها من ارض الحجازي
للهاشمي جاته بمنطق لسانه=حكي العرب ماهو بمنطوق نازي
واللي تدبّرها بيمانه امانه=مايشوف ضيم ودايماً بعتزازي
وياحضّ من له وردّ يسهر عشانه=يقرا مقام الرّصد ولاّ حجازي


الشّاعر / خالد بن عبيد بن معتوق ألأحمدي


 


رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


RSS RSS 2.0 XML MAP HTML

الساعة الآن 07:22 PM


Powered by vBulletin® Copyright ©2000 - 2019, Jelsoft Enterprises Ltd.
Content Relevant URLs by vBSEO 3.6.0
Ads Management Version 3.0.1 by Saeed Al-Atwi

هذا الموقع يتسخدم منتجات Weblanca.com
HêĽм √ 3.1 BY: ! ωαнαм ! © 2010
new notificatio by 9adq_ala7sas