الإهداءات

منتديات النايفات الأدبيه ترحب بجميع الأعضاء والزوار وتتمنى للجميع وقت ممتع .. علما بأنه لن يتم تفعيل الأسماء المستعاره للرجال حفظاً للحقوق الأدبيه كلمة الإدارة

التميز خلال 24 ساعة
العضو المميز الموضوع المميز المشرف المميز
خلود المطيري الشعر كلي وبعضي
بقلم : أحمد صعفق
ياقوت

العودة   شبكة النايفات الأدبية > النايفات الادبيه > قسم الشعر النبطي " لغير المنقول " > وَمَضَاتٌ شِعْرِيّة

آخر 10 مشاركات كل النساء انتِ... وكل العيون ........ (الكاتـب : رعد الحلمي - آخر مشاركة : عبدالله الصقري - )           »          رماد الذكرى !! (الكاتـب : عائشة المحرابي - آخر مشاركة : عبدالله الصقري - )           »          في مثل هذا اليوم (الكاتـب : عبدالله الصقري - )           »          الشّعر مَد من الشعور ماهو بمِد من الشعير (الكاتـب : عبد العزيز شداد الحربي - )           »          مصر التي في خاطري (الكاتـب : سيد يوسف مرسي - آخر مشاركة : خلف العامر - )           »          طال الرجا للشاعر / محسن السيف.. أداء المنشد / محمد السمين (الكاتـب : ايمااان حمد - آخر مشاركة : خلف العامر - )           »          شكوت الهوى (الكاتـب : سيد يوسف مرسي - آخر مشاركة : ماهر الحسن - )           »          حق الامتياز (الكاتـب : عوض بن أحمد - آخر مشاركة : هلا المطرفي - )           »          إنطلاق معرض”العين للكتاب”.. سبتمبر (الكاتـب : مهند بن سيف - آخر مشاركة : هلا المطرفي - )           »          صورة تنبض بالحياة.....!؟ (الكاتـب : ياقوت - )

إضافة رد
 
LinkBack أدوات الموضوع انواع عرض الموضوع
قديم 04-30-2016, 05:07 PM   #1
نافل علي الحربي
شاعر ومؤرخ


الصورة الرمزية نافل علي الحربي
نافل علي الحربي متواجد حالياً

بيانات اضافيه [ + ]
 رقم العضوية : 496
 تاريخ التسجيل :  Sep 2013
 أخر زيارة : اليوم (11:20 PM)
 المشاركات : 446 [ + ]
 التقييم :  15
لوني المفضل : #7D7F82
افتراضي مختارات من أشعار الشيخ/ نافل علي القمامي




مختارات من أشعار الشيخ/ نافل علي القمامي
=======
=======
فيما يلي بعض الأبيات المختارة، من أبيات بعض قصائد الشاعر الشيخ/ نافل علي القمامي،
وهي من الأبيات النادرة البديعة، التي تتسم بسمة الحكمة، وقوة المعاني، وجزالة الألفاظ،
والتي تجري مجرى الأمثال في الاستشهاد بها، في شتى الأغراض الشعرية المتعددة
الأهداف:
==========
من جاك ما يـمشي على درب الأجداد = تراه من كل المعانـي مجرّد
خاب وخسر من يرتجي بعض الأولاد = البذر كادي والثمر شوك غَرْقَد
==========
وش تقول الأم والخال المـجيد = وش يقول الأب والجد الوجيه
وش تقول الناس دانـي والبعيد = بالولد لا صار منحرفٍ سفيه
==========
احذر تفرط بالأمور المهمات = دمك وعرضك لا تعرضه لتفويت
وتندم على ما أهملت به عقب ما فات = في حينٍ ما ينفعك به قول يا ليت
احذر من اللي عادةٍ فيه دنعات = لو هو قريبٍ منك من أسرة البيت
===========
راعي الضلاله لو طلع من عمامي = والله ما أرضا به ولأبقى معاديه
حتى يعود لطاعة الله تمامي = ويحكم الانصاف حتى بعوانيه
===========
حذراك لا تصبح ضحيه للاحسان = تحسن على نذلٍ ويطلع كما غليس
===========
ما أقول اني عظامي أو عصامي = أنا بدوي ولي ربعٍ تحاما
ولو اهنت النفس لما ينقص مقامي = لا يمكن تكون لي برد وسلاما
أنا العادات والمبدا نظامي = تبع ربعٍ على نـهج القداما
وأنا معهم وهم ستري حزامي = وعلى الواجب مداغيشٍ نشاما
===========
أنا بدوي في مناقيدي = ماشيٍ على سيرة أجدادي
لا يـمكن أترك تقاليدي = وأمشي تقاليد الألحادي
===========
وأنا الأدب طبعي وغصت بمجانيه = سفني جنت من كل بحر ورستبه
===========
متثقفٍ بدنياي وعلوم ديني = وأنا على طبعي وسلم البداوه
===========
يا صاح أنا مع درب الأصحاب هياب = وش عاد لو اني مع الناس مهيوب
أنا أديب ودارسٍ كل الآداب = وعندي على فهم الهوى علم وأسلوب
===========
يا صاح أنا ان جاز لي طرد الأسباب = عندي دليل انك بالأسباب مغلوب
ان كان لأهل الحب مطلب وطلاب = تراك مقفيٍ وللحق مطلوب
===========
يا الله يا اللي تعقد العقد وتحل = تحلها يا ميسّر المستحيله
يا رب تغنيني عن البعض والكل = أجعل لحظي من غناتك وسيله
===========
الحظ لا منّه تردّا تردّا = ما يفيد به كثر الذكاء والحيالات
إلى سلكت بدرب عيا يتقدّا = قام يتعرج مع وعور ومتاهات
===========
يبدّا الردي وايضا المشاكس يبدا = والمستحي ومدوّر الستر هيهات
===========
بعض البشر علة نحر مستديـمه = ما يعالجه شعبي ولا طب دكتور
===========
من لا يتثبت والسوالف تضيمه = لعل ما حنا وشرواه جـمهور
===========
من لا يعرف الحق بالكم والكيف = يضيع ما بين الوهم والحقايق
مثل الذي ضاعت عليه المجاديف = في زورقٍ دونه أمواج وعوايق
===========
الأدمي مرات رايه يضله = وبعض البلاوي من وساع الشراديق
من جاك عميان البصاير تدله = اكبر دليل انه على غير تبريق
===========
يا كثر من هو بالمجالس عنادي = يشفق على اللجه بلا ذوق مزهاف
تسمع لجاجتهم بغير انتقادي = لا عن حسن نيه ولا قلوبٍ انظاف
===========
العيب ينضح من مناسم اكمومه = ومشغول بعيوب الخلايق وأهلها
وخصيم ربه ما يصنّف اخصومه = ويـموت وغاياته سدا ما وصلها
===========
هجاء السفيه ولا مجامل سفاهه = للي يبي فعلٍ حميد المغبه
يا من تسب اللي يسب السفاهه = ترى السفاهه تستحق المسبّه
===========
لا تأمن بأصحاب الرداء والشراهه = وتصبح ضحية تافهٍ شين شبّه
===========
أهل العلوم الطيبه حظهم ماش = راحت سوالفهم مع الخيل والجيش
===========
واليوم يوم الوضع ما عاد ينهاش = إلا بتلميع الصور والدناديش
ما يستحيل أمره على رابط الجاش = اللي يبي تخصيص صفحه وتهميش
===========
والحر لولا مخلبه كان ما اعتاش = ولا احد يتقنص به بلا مخلب وريش
===========
واسلم سلمت بطولة العمر معتاش = ويفداك لخّاص القصيرات والديش
===========
السيل عن روس العوالي هجيجه = وإلا الحفر والمرح من نفعه أرياف
===========
من بذر له بذورٍ ثم سقاها أثمرت = بس ما ينبت الريحان من بذر توت
===========
عاداتنا عرف الحقايق والانصاف = نعرف الذي لنا وما هو علينا
وإن كان في بعض الأوادم تحراف = حنا على سلم الأوائل رسينا
أرضٍ منابتها خزاما وصفصاف = وأرضٍ منابتها كمثري وتينا
وايضا البشر ما هم سوا بكل الأوصاف = كالفرق ما بين الغنا والأنينا
==========
حياة من لا فزع للربع وش هيله = شلت يمينٍ ما تفزع قبل داعيها
===========
يا معاتب الوقت عوجه ما بها حيله = جميع مخلوق بالدنيا يعانيها
===========
وأبشر بتحصيل ما يرضيك تحصيله = من الآن قدّم طلباتك وأبا أقضيها
===========
الضرس لا صار يقزي من تسواسه = وش تنتظر من بطاه إلى سرف سوسه
يوم العرب يحتسون الجاز والكاسه = ما تشاف جربا ولا من ناس مضروسه
===========
وان كان عاود وسيلة شر ودلاسه = ورا الظهر بالظليمه ينشر أطروسه
يحرم علينا القلم مع نقل قرطاسه = لا ما طلب عفونا من سم دبوسه
نصير ضيقة تنفس تكتم انفاسه = في يقظته والمنام نصير كابوسه
===========
راع الخطاء لا تحط الراس في راسه = بالشك غلطة رفيق وغير مدروسه
===========
حنا هل اللزمات وأهل الشجاعه = كم طامعٍ سحقة افلوله قرانا
عذروبنا ما ننخدع بالاشاعه = حنا ومثورة الفتن ما نتدانا
==========
الطيب ما هو بأهل الطيب محصور = كم واحدٍ يطيب بالعلم ويشيخ
ويا ما يخيب الظن في خلفة صقور = ويا ما سليل رخوم ٍ نشمي وطخطيخ
===========
الطيب ما يوخذ اشحاذه من الناس = الطيب في فعل الفعول الحميده
غصبٍ على اللي به من القهر وسواس = لو الحَسَد والحِقْد مالٍ وريده
===========
الطيب ما هو بالحكي والمناوي = الطيب في فعل الفعول الحميدات
الطيب ما يأتي بدفع الرشاوي = ولا هو بواسطة واسطه وانتخابات
الطيب لهموم المشاكل يداوي = وإلا الرداء نقصٍ بكل المجالات
لولا الرداء ما صار للطيب راوي = ولا دونت للطيب كتب وروايات
===========
من لا يعرف الحق بالكم والكيف = يضيع ما بين الوهم والحقايق
===========
كم واحدٍ عندي على قمة التبت = لا جيت عنده ما سوا دوس ماطاه
===========
ان كان بالدعوى تخلف واعتصام = السيل ما يجري إلى غير الشعيب
ترى الربيع اللي يطيح ابه النظام = فعايله يخشى عواقبها الأريب
===========
ما كل من يلزم يطيع الالتزام = وجل التصادم عادةٍ عند الصليب
ان كان شفت السوق ما يشجع تمام = بدل به المعروف عندك بالغريب
===========
دايم ورأيك باتجاهٍ معاكس = أعكس من اظلالك على يمة الشمس
===========
يا ورد ما احد مقدرٍ لك مزاياك = قرر مصيرك قبل تزرع مع الشوك
===========
كل الأمور الكايده تقبل الحل = إلا الفقر لا حل ما فيه حيله
الله يقطع ساعة الفقر والقل = تهين راعيها وتعمي دليله
يا الله يا اللي تعقد العقد وتحل = تحلها يا ميسّر المستحيله
يا رب تغنيني عن البعض والكل = أجعل لحظي من غناتك وسيله
===========
آسف على دنياٍ بها العدل مقلول = والطيب فيها عن هل القل عاصي
كم من سنافيٍ بها بات معلول = قاصيه من حيف الملازيم قاصي
مسكين خالي اليد ما هو بمقبول = يجفا من الأصحاب داني وقاصي
والفقر ما هو عيب والرزق مكفول = العيب ترويج الهروج الرخاصي
اللي تصول بغيبة الشخص وتجول = إلا الغني لها لمدحه محاصي
===========
ترى الوفاق ان ما حصل بدّل افراق = وكثر احتكاك الشيء يثّر حريقه
وأبعد عن اللي بأقبح الشمت عملاق = يثرثر بلمزاتٍ اجداد وعتيقه
وحكي النمايـم لا يسبب لك ارهاق = ما لك وما للبوم تسمع نعيقه
من خلقة الدنيا ترى البوم نعّاق = واسموت بعض الناس مثله خريقه
===========
عجزت لا أعرف صاحبـي من عدوي = كلٍ صديق ولا بدت حاجتـي جاض
وقت الرخاء لكل المراجل يسوي = ولا جاء اللزوم وفطن للسالفه ناض
===========
كثر الكلام معرّضٍ للخطايا = لا صرت ما تازن ألفاظك بـمثقال
الهرج له معنى ومجال ومزايا = ما كل ما يطري على البال ينقال




 


رد مع اقتباس
قديم 05-02-2016, 11:30 PM   #2
سعود الشمري
عضو فعال


الصورة الرمزية سعود الشمري
سعود الشمري متواجد حالياً

بيانات اضافيه [ + ]
 رقم العضوية : 327
 تاريخ التسجيل :  May 2013
 أخر زيارة : يوم أمس (03:36 AM)
 المشاركات : 2,877 [ + ]
 التقييم :  31
لوني المفضل : #7D7F82
افتراضي



الشيخ والشاعر نافل علي
مختارات وقلائد من نور
صح الله لسانك وبيض الله وجهك


 


رد مع اقتباس
قديم 05-03-2016, 02:19 PM   #3
واجدة السواس
الادارة


الصورة الرمزية واجدة السواس
واجدة السواس متواجد حالياً

بيانات اضافيه [ + ]
 رقم العضوية : 821
 تاريخ التسجيل :  Sep 2014
 أخر زيارة : 08-15-2019 (11:49 AM)
 المشاركات : 14,528 [ + ]
 التقييم :  40
 علم الدولهـ
Iraq
 الجنس ~
Female
لوني المفضل : #7D7F82
افتراضي



مختارات رائعة
من شاعر سطر ابداعة
على قصقصات رائعة
كل التقدير والاحترام لك
والاحساسك الرائع


 


رد مع اقتباس
قديم 05-03-2016, 05:54 PM   #4
نافل علي الحربي
شاعر ومؤرخ


الصورة الرمزية نافل علي الحربي
نافل علي الحربي متواجد حالياً

بيانات اضافيه [ + ]
 رقم العضوية : 496
 تاريخ التسجيل :  Sep 2013
 أخر زيارة : اليوم (11:20 PM)
 المشاركات : 446 [ + ]
 التقييم :  15
لوني المفضل : #7D7F82
افتراضي



الإخوة الكرام
سعود الشمري
واجدة السواس
شكراً جزيلاً على مروركم العطر
الذي أعتز به ويشرفني
ولكم مني كل الود والاحترام


 


رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


RSS RSS 2.0 XML MAP HTML

الساعة الآن 11:22 PM


Powered by vBulletin® Copyright ©2000 - 2019, Jelsoft Enterprises Ltd.
Content Relevant URLs by vBSEO 3.6.0
Ads Management Version 3.0.1 by Saeed Al-Atwi

هذا الموقع يتسخدم منتجات Weblanca.com
HêĽм √ 3.1 BY: ! ωαнαм ! © 2010
new notificatio by 9adq_ala7sas