الإهداءات

منتديات النايفات الأدبيه ترحب بجميع الأعضاء والزوار وتتمنى للجميع وقت ممتع .. علما بأنه لن يتم تفعيل الأسماء المستعاره للرجال حفظاً للحقوق الأدبيه كلمة الإدارة

التميز خلال 24 ساعة
العضو المميز الموضوع المميز المشرف المميز
البندري الرشيد إحذر مجالس هيلها القيل والقال - من أحد اللقاءات في التلفزيون السعودي
بقلم : خالد البلوي
فهد عبدالله

العودة   شبكة النايفات الأدبية > النايفات الادبيه > قسم الشعر النبطي " لغير المنقول " > النَّايْفَاتْ لِلْمُحَوَرَاتِ الشِّعْرِيَّة

آخر 10 مشاركات شيلة مزون الحياء (الكاتـب : صالح الحربي - )           »          واجهيني يا آخر الأنوار (الكاتـب : ظميان غدير - آخر مشاركة : فهد عبدالله - )           »          ظنون الوقت (الكاتـب : صباح الحكيم - آخر مشاركة : فهد عبدالله - )           »          مثل أن يرجع الغريب غريبا (الكاتـب : ظميان غدير - آخر مشاركة : فهد عبدالله - )           »          نسيم النود ... (الكاتـب : وليد بن رشيد التميمي - آخر مشاركة : مجزع الفريدي - )           »          عيون بكت دمها (الكاتـب : أحمد صعفق - آخر مشاركة : مجزع الفريدي - )           »          الـرّفـاقــــه (الكاتـب : عبدالله الصقري - آخر مشاركة : مجزع الفريدي - )           »          خمر الوجع (الكاتـب : جعفر الحسن - آخر مشاركة : البندري الرشيد - )           »          عصافير الظهيرة (الكاتـب : أحمد آل مجثل - آخر مشاركة : البندري الرشيد - )           »          لقاء عابر (الكاتـب : مسفر الدوسري - آخر مشاركة : البندري الرشيد - )

إضافة رد
 
LinkBack أدوات الموضوع انواع عرض الموضوع
قديم 09-08-2015, 05:12 PM   #1
نافل علي الحربي
شاعر ومؤرخ


الصورة الرمزية نافل علي الحربي
نافل علي الحربي غير متواجد حالياً

بيانات اضافيه [ + ]
 رقم العضوية : 496
 تاريخ التسجيل :  Sep 2013
 أخر زيارة : 03-31-2019 (05:27 AM)
 المشاركات : 439 [ + ]
 التقييم :  15
لوني المفضل : #7D7F82
افتراضي مساجلات نافل علي الحربي الشعرية مع بعض الشعراء



بسم الله الرحمن الرحيم

مساجلات نافل علي الحربي الشعرية
مع بعض الشعراء

***... *** ... **
يشتمل هذا الموضوع على العديد من القصائد التي وجهها
الشاعر نافل إلى أحد الشعراء، أو احدهم وجهها إلى نافل
على سبيل المساجلة، أو على بعض القصائد التي لم تُقَل
على سبيل المساجلة، ولكن بعض الشعراء جاراها بقصيدة
أخرى او جاراها أكثر من شاعر بقصائدهم، سواء رُد
على هذه القصائد أو لم يُرد عليها، وبغض النظر عن
غرض كل من هذه القصائد 0
***... *** ... ***

ترى ما ندانيه
***
الأبيات الآتية للشاعر الأمير/ خالد بن سعود الكبير، قالها في صف علماء المملكة،
وضد الحملة المغرضة التي تشن ضدهم في الخارج، وقد جاريتها بأبياتٍ ستأتي بعدها:
قالوا علامك قلت مدري علامي = شفت الخطأ واضح ولأني مخليه
حبي لديني ساقني للكلامي = واللي يحب الدين لابد نفديه
حنا عن التوحيد لازم نحامي = ونزه أهل العلم والشرع تنزيه
سلام مني للرجال الحشامي = من لا يدانيكم ترى ماندانيه
شعر الشاعر الأمير/ خالد بن سعود
*****
*****
وبالعرض تكسيه
***
الأبيات الآتية هي مجاراة مني لأبيات الشاعر الأمير/ خالد بن سعود الكبير السابقة:
وأنا أقول ان ما حملتني عظامي = من أجل أجاهد دون ديني وأهاليه
ماني بنافل عند معنى الاسامي = ولا يعدني أخو النزاهه بناخيه
وقول الأمير أويده بانضمامي = للي على التوحيد تثبت مباديه
وراعي الضلاله لو طلع من عمامي = والله ما أرضا به ولأبقى معاديه
حتى يعود لطاعة الله تمامي = ويحكم الانصاف حتى بعوانيه
وبحر الطغام المغرضه دوم طامي = وطريقهم بين ولا أمشي مماشيه
ومن وحد الله كلنا له نحامي = ورعى البغي والشرك تفشل مساعيه
وهاذي تعابيري وبصمة ابهامي = وسلامةٍ طوله وبالعرض تكسيه

شعر/ نافل علي الحربي
*****
*****
يطرب احساسي
***
هذه القصيدة قلتها مساجلة مع قصيدة للأمير الشاعر / عبد العزيز بن سعود ( السامر )،
منشورة في مجلة المختلف العدد أغسطس 1996 م، منها الأبيات الآتية:
علمني الوقت رفع الراس والهامه = لا ما اشرب الحب ذل وينحي راسي
نفسي على العز عزّامه وجزّامه = لا خير بالعشره اللي ما لها ساسي
واللي لدرب الشهامه يكرب احزامه = أحب طاريه وأغلي راسه القاسي

قرأت هذا القصيدة الرائعة فأعجبتني، وتبادر إليّ أنها إشارة إلى قصيدةٍ قديمة بعكس ما تعني
هذه القصيدة، فلما وجدت انه قد كُتب عندها (( هذه القصيدة تنتظر ردود الشعراء عليها ))،
ساجلته قائلاً:
يقول من هو رفع يمناه وابهامه = تحية اعجاب بأبياتٍ على آىسي
يا أمير بحق أنت للمضمون علامه = معناك حكمه ونهجك يطرب احساسي
تسمو بروح القصيد وتتقن احكامه = ودايم وسيرك على منهج شرف راسي
ما فيه ما بين قوسينٍ على ارقامه = وخط أفقي ومايلين ورابعٍ راسي
والطيب مرقاه ما يرقاه من هامه = إلا شريفٍ يعاني فيه ويقاسي
ولفظ الأودام على نياتهم شامه = علامةٍ تفرق الفضي عن الماسي
حاشاك راع الرداء منطوقه اهلامه = لو صفصف القيل مجهوده سدى الخاسي
معاني العدل ببعض الشعر منضامه = طغت عليها المآرب والتغطراسي
بالبر والبحر حدايه ونهامه = ولو استراحت لكانت مطعمٍ كاسي
الشاعر/ نافل علي الحربيٍ
*****
*****
ما نهدرها
***

الشاعر والإعلامي/ صبار عابر العنزي


هذه الأبيات قلتها في الأخ/ صبار بن عابر العنزي، الاعلامي المعروف، مدير تحرير مجلة البارز،
ورئيس مجلس الإدارة والمدير العام لمجلة رموز، والذي يكتب عن التراث في العديد من وسائل الاعلام
التي تهتم في التراث الشعبيّ، كجريدة الرياض، ومجلة الحرس الوطني، وغيرها، حيث لهذا الرجل الشهم
الإلمعي أيادي بيضاء، يجب أن تذكر وتشكر، ولا ينسي فضلها ومعروفها كل صاحب مطبوع شعبيّ، أو كل متلقي متذوق للأدب الشعبيّ، حريص على وإحيائه وحفظه، لليوم وكل يوم، أما مناسبة هذه الأبيات فهي كتابته عن ديواني المجموعة الظريفة عند صدوره 17 / 4 / 1418هـ، على الرغم من أن ليس بيني وبينه أي معرفة، ولا تصلني به أي صلة:
يقول من ركّز على جملة أسطار = أبيات شعرٍ صاغها واختصرها
لا هو بـمزهافٍ ولا هو بـهذّار = ونفسه على ما يرضي الله قصرها
مع التحيه واحترامي لصبّار = ابن الرجال اللي بعيدٍ نظرها
مشكور على المعروف يا نسل الأخيار = يا اللي أفعولك ما تفكّر بأثرها
لكن أفعال الطيب تلفت لنا أنظار = ولأجل احترام أصحابها ما نهدرها
واْسلَمْ سلم نجمك على العز دوّار = ضمن النجوم اللي المعالي دورها
الشاعر/ نافل علي الحربي
*****
*****
ما يبذله من جهوده
***
هذه القصيدة للشاعر/ عذال بن عايد بن هذال العميري الأسلمي الشمري(1382 - 0000هـ)،
وجهها إليّ شكراً على إهدائي لبعض زملائي في العمل من قومه، نسخاً من ديواني " المجموعة الظريفة
من نوادر الأشعار النبطية والروايات الطريفة "، بعد أن قرأ الكتاب فأُعجب به، فخطر له أن يوجه إليّ هذه القصيدة، ففعل، انظر ردي على هذه القصيدة بالقصيدة المعنونة بـ" إحياء مآثر اجدوده " التالية::
تحيه وتقدير منا لنافل = وشكرٍ على ما يبذله من جهوده
ديوانكم جاني بالأمجاد حافل = وقريت ماجاء واحتوا في بنوده
تشفق على تراثنا ولا أنت غافل = ودوّنت تأريخ السلف من فهوده
دوّنت للي يحتمون القوافل = اللي لهم في سوق الأمجاد جوده
جزاك خير اللي للأرزاق كافل = صفتك صفةٍ بالرجال امحموده
ومن راد يرقا للعلا والنوافل = يصبر ولو شاف التعب في صعوده
وإلاّ الردي دايـم ودربه امسافل = ينـزل مع الوادي ويترك سنوده
الشاعر/ عذال بن عايد الشمري
*****
*****
إحياء مآثر اجدوده
***
ولي هذه الأبيات، قلتها رداً على الأبياتٍ السابقة، والتي وجهها إليّ الأخ الشاعر/ عذال بن عايد العميري
الشمري، وهي بعنوان " ما يبذله من جهوده "
حييت يا عذال ما سار قافل = وعداد ما زار الحرم من وفوده
ومشكور عدد ما يغرب النجمٍ آفل = يا من يحب إحياء مآثر اجدوده
الفضل لله ثم لنور المحافل = اللي لهم فعلٍ وهاذي ردوده
فعل آل سعود مطوعين الجحافل = تيسرت كل الأمور بوجوده
وأنتم لكم تاريخ بالجود رافل = رافل كما هداج حزة وروده
واللي ما هو طيّب ومنشاه نافل = ماله لقول الطيب نفسٍ تقوده
ومن عجز يرقا للعلا أو منه جافل = خلّه مسافل لين يبلا وجوده
لا هو تضامن مع سواه وتكافل = وضعيف ضلعٍ كابياتٍ زنوده
الشاعر/ نافل علي الحربي
*****
*****
كثر الذكاء والحيالات
***
هذه الأبيات وجهتها للشاعر/ عبيد بن داموك الرشيدي، وهي تتطرق إلى الكلام عن سوء الحظ، وما يجلبه
لصاحبه أحياناً 28 / 7 / 1416هـ:
الحظ لا منّه تردّا تردّا = ما يفيد به كثر الذكاء والحيالات
إلى سلكت بدرب عيا يتقدّا = قام يتعرج مع وعور ومتاهات
وإلى بديت بلازمٍ ما تبدّا = يرميك حظك في رعاعٍ حثالات
لو أنت عنهم في حياتك تفدّا = لا جاء لزومك شفت منهم لكاعات
خنان أنذالٍ أوجيههم ما تندا = والطيب ماله في طرفهم علامات
لو لك عليهم حق ما ينتودا = إلا ويجازون الحساني بسيات
يبدّا الردي وايضا المشاكس يبدا = والمستحي ومدوّر الستر هيهات
ونوبٍ يحدك عند جندٍ تحدا = ديدانـهم هرج الخنا والدعارات
وتقعد مهان ولا لك أحدٍ يلدا = وغصبٍ تحمّل للخطأ والكلافات
وتصبر ولا تقدر لظلمٍ تصدّا = وإلا تغربل مع فضايح واشاعات
وأنا نصيبـي ما اخبر جاد جدّا = ما ادري علامه من كوارث بعثرات
من أول طموحي لمستواي ايتعدا = واليوم كني ساكنٍ جو ما يبات
انهار عندي العزم والفكر صدّا = وتحطمت عندي جميع الطموحات
يا عبيد ابن داموك عطني مردا = عن ما تشوفه حول ما قلت بالذات
يوم أنت في عمق المعاني تمدّا = وقافك يشوق يا لطيف العبارات
الشاعر/ نافل علي الحربي
*****
*****
تحل المهمات
***
رد الشاعر/ عبيد بن داموك الرشيدي، على قصيدتي السابقة:
حي البيوت اللي نظمها على الدا = الشاعر اللي يشكي الوقت والذات
نافل عليّ قال الزمان استشدا = وتغيرو ناسه بغفله ولحظات
والخصم حظٍ مثل ما راح ردا = أتعب فكر عالم تحل المهمات
لو وجّهوّه بدرب ما ينتقدا = أعما يطش المستحين بـمتاهات
اما قصر عن خير وإلا تعدا = مثل ما قلت العام في بعض الأبيات
ياما عليّ بنظرة السوء لدا = اوجهه ويسير عكس المسارات
حسبي عليه بـهالطريق استبدا = ازريت لا اعسره والأيام عسرات
شفت الذي شافه رفيقي وأشدا = يا نافل اعذرني ما بإيدي حيلات
يا شاكي للباكي معاه استعدا = للدمع وإلا ساير الوقت بسكات
هذي هي الأيام بأمسٍ وغدا = الناس فـيها أجناس وطبوعها أشتات
ما ذكر عصرٍ كل جيله تقدّا = لازم يلم اضعوف واضروس سادات
من شد حل وكل عجلان هدّا = ومن فرح حزن ومن ضَحَك هَلْ عبرات
الناس راعي قرصها ما تغدا = أجل غداه وقبل ما ياكله مات
الطرقي انكف والزمان اجرهدا = ومن حظ وارث صار جمع الريالات
الموت ما يرضا بالإنسان مِدّا = والقبر ما به غير حسنه وسيات
والناس فيها عالمٍ ما تخدا = المال لأجله يجّلون الصلوات
نسو رصيدٍ عنه ماشيء سدا = أي والله أن نفوس ناسه ثريات
أداء الفروض ومصحفٍ ينتبدا = حفظه يحفظ النفس عن كل هفوات
للجهل حد وماش للعلم حدا = والتجربه للشيء برهان واثبات
ياما هقيت بكم رفيقٍ وصدا = وياما احتملت من الموالي خطيات
وياما قصرت الرجل وازريت امدا = من حيرتي حول أربع الاتجاهات
أخاف أسيّر يـم مَنْ لا يودا = ويحط بالمسيار هرجه وقالات
وأنا ما نفسي تقبل اللي يصدا = ولا تقبل اللي فيه نـمّه وشكات
كم مجلسٍ عنه أشتهيت المصدا = إليا أجتمع فيه امتهزيء وشمات
الشاعر/ عبيد الداموك الرشيدي
*****
*****
يعايش اعصور
***
بعض البشر علة نحر مستديـمه = ما يعالجه شعبي ولا طب دكتور
أخطر خطر ظلم النديم لنديمه = مصيبةٍ تطغا على كل محذور
هو ما يعرف أن الظلايـم وخيمه = عسا عيونه مثل قلبه بلا نور
للشين قوي العين نفسه هميمه = بآخر كلامٍ يسمعه منه ممهور
يصدقه ويعتز به خاب خيمه = ما يدري إن الحق راعيه منصور
يرتاح لأهل الدجل وأهل النميمه = ولأهل الأمانه وأهل الصدق مزيور
يجيك ملتبسٍ عميمه طميمه = عليك صدره تقل يقلا به الفور
لو هو هدا عندك بحالٍ سليمه = لا راح يرجع لك من الحكي مديور
زوله بشر أما اطباعه بـهيمه = لا تقول مخروشه ولا تقول مديور
عساه فدوه للرجال الفهيمه = اللي بـمجلسهم رعا الزور محقور
ونياتهم على الهدا مستقيمه = والحق يرضونه ولو كان ميسور
يا عبيد يا راعي السجايا الكريـمه = عساك في صحه وتوفيق وسرور
لو أن هرجي ما وصل حد تيمه = ما أبيك تجاوبني على غير مذكور
ترى كلامي بالطبوع الدميمه = وإلا النفوس بذاتـها ما لها دور
ولا يتدخل بالقضايا المقيمه = وجهة نظر عن واقعٍ يعايش اعصور
سحاب صيفٍ يرهب القلب غيمه = حينٍ خفيف وحين غثوه على القور
من لا يتثبت والسوالف تضيمه = لعل ما حنا وشرواه جـمهور
إن كان أصبت اللي نويت بصميمه = تراك مسموحٍ إلى حد لاهور
الشاعر/ نافل علي الحربي
*****
*****
غيّاب واحضور
***
رد الشاعر/ عبيد الداموك، على قصيدتي " يعايش اعصور "، السابقة، التي وجهتها إليه:
ذا محضر التحقيق سينه وجيمه = لا قنّع القاضي ولا فك مخفور
وذيك الحلايا مثل زول الهشيمه = بالخايع اللي يرهجه كل شختور
لو عرقها يـمطر ثـمانين ديـمه = ما عوّدت خضراء مثل باقي الخور
على ما قالو مثل عادت حليمه = مضرب مثل للناس غيّاب وحضور
صد الركاب عن الدروب الوخيمه = أفرد ولو شفت المحاويل مظهور
إقناع مخطي الناس حاجه عظيمه = إدراكها يبحث خفا كل مسطور
يا ابن علي ما ذكر راعي قديـمه = جنّب عن أطباعه ولا طاع للشور
من طاب ما عمره رضي بالهزيـمه = ومن خاب ما عمره يـجي وافي اشبور
ولا عذّرب الطيب كلام وشتيمه = ولا طيّب الخايب تـمداح ثرثور
الكل يعرف له مع الناس قيمه = لو سولف النمام أسابيع واشهور
يا ليت لخبول الأوادم وسعيمه = أبين من النابـي على غارب الثور
حتى نعرف الدون وأهل الحشيمه = ونـمشي مع الطيب جماعه وجمهور
أما بعد يا أبو النوايا الحكيمه = يا المبهم الكاشف سنا كل ديـجور
اعذرنـي أن ضيعت وصف القسيمه = لأن البلد كله عمارات وقصور
رسم الكروكي بالخطاء أكبر جريـمه = وبالصح يعبر به متاهات وبـحور
أنا حسب ما بان سرحت ريـمه = قدرٍ لنافل والشعر عرف واشعور
وبعض النوايا والظنون العقيمه = في ما خفى كذبٍ ولاني بـمجبور
الشاعر/ عبيد الداموك الرشيدي
*****
****
خُلِق ليش
***
قصيدة حول حال الشعر في الوقت الحالي أخاطب بها الشاعر عبيد الداموك:
يا عبيد صاب الشعر يا عبيد هشهاش = ما يقوم على حيله كثيرٍ ولا شويش
إجبر على ما يكرهه غصب وانداش = له مدةٍ كل ما بغا ينتعش ديش
إلى نـهض قامو له أعداه هوّاش = ودقو عظامه بالحصا والشواكيش
مسكين من دار الرعايه للإنعاش = وإن طال على هالحال ما رايح ايعيش
من أولٍ يسوا ملايين الأدباش = واليوم ما يلقا من يقول به بيش
مع الأسف صار الشعر حوش الأوباش = عرفو به الأنباط هم والدراويش
صار الهدف سلعه وشهره تغرباش = عرفو به الأنباط هم والدراويش
يشهر به اللي حولهم حروة اعراش = لو هم صواوية الدجا والخفافيش
مات الضمير وغاب من يردع الغاش = وكلٍ ركب راسه على الجهل والطيش
حرية الغوغاء هدف كل غشاش = اللي يتجاهل قول ربه خلق ليش
الله يعاقب كل جاني بما حاش = ويبعد عن الغافل جراير خرفيش
مواريٍ تطلع توحش توحاش = ولو ما تعم وتنتشر قيل بالريش
لكن لا تخاف من البشر ويش ما ناش = بكره توذا من نداها البراقيش
خاخ البحر وأقصا مداهيله الطاش = ولو ما يعود لبنته كان ما يعيش
وأهل العلوم الطيبه حظهم ماش = راحت سوالفهم مع الخيل والجيش
واليوم يوم الوضع ما عاد ينهاش = إلا بتلميع الصور والدناديش
ما يستحيل أمره على رابط الجاش = اللي يبي تخصيص صفحه وتهميش
يرضي معقدة النواصي على الشاش = والى فرغ يلعب على الرخ والشيش
ولا أبو طريقٍ به زلق لا أبو قطاش = ولا أبو جحورٍ بالحيايا مهاييش
والحر لولا مخلبه كان ما اعتاش = ولا احد يتقنص به بلا مخلب وريش
واسلم سلمت بطولة العمر معتاش = ويفداك لخّاص القصيرات والديش
الشاعر/ نافل علي الحربي
*****
*****
ما به نزاهه وغيره
***
الأخ عبيد الداموك، عندما صدر مؤلفي { تحفة المساجلات }، بحثت عنك في عدة أماكن منها مقر
عملك، وغيره، فلم أعثر لك على الخبر، ولقد أسعدني انضمامك إلى هذا المنتدى، وبهذه
المناسبة قلت الآن هذه الأبيات، التي أهديها إليك، وأرجو أن تجيبني عليها:
وينك وأنا أدورك لي عام يا عبيد = أسأل عليك بكل حروه وديره
أنا أحمد الله جت على كيف ما أريد = اسمك معانا يا نقي السريره
حياك ربي يا خويٍ له نريد = ونعم الخوي يا ابن الوجيه السفيره
ويفداك سودان الوجيه الملابيد = اللي بهم عن كلمة الطيب ذيره
مجردينٍ من النزيهات تجريد = حثال الرخوم أهل الفعول الشريره
أجهل عن الواجب من اللي على الديد = ما منهم اللي كان همه مصيره
يوم أن كلٍ له كتاب ومواريد = أما جنان الخلد وإلا سعيره
لهم بمجال الخوض سرد وهرابيد = وبالطيب واحدهم يخون تعبيره
الله لا يبقي للأنذال عربيد = في جاه من ما اختار به كل خيره
ويجيرنا من موجبات المناقيد = ويزيل من ما به نزاهه وغِيره
شعر/ نافل علي الخميس 13 صفر 1431
*****
*****
من نفعه أرياف
***
أبيات أخاطب بها الشاعر/ خالد بن محمد البيضاني الحربي، حول جدوى الشعر مع بعض الشعراء
عند الممدوحين به، وعدم جدواه مع بعضهم، 17/4/1418هـ:
يا أبو محمد ما طلعنا بنتيجه = ما دام نفلس والعرب تكسب آلاف
يا قلوبنا يا ابو محمد دليجه = وإلا الحظوظ ندفها وترجع اخلاف
حتى الرخوم الساقطه والمريجه = فازت بشيءٍ من وراء قدرها أضعاف
السيل عن روس العوالي هجيجه = وإلا الحفر والمرح من نفعه أرياف
لاشك نسال اللي تساله حجيجه = تحج بيته والمشاعر وتطّاف
يعوضنا وهو العوض والوليجه = وبكل ما يجري من الخلق عرّاف
الشاعر/ نافل علي الحربي 17 / 4 / 1418هـ
*****
*****
تقاليد الأشراف
***
رد الشاعر/ خالد بن محمد بن ماجد بن خضران البيضاني العمري الحربي ( 1384 - 0000هـ ) :
يا أبو علي بحر المشاعر يهيجه = نظم البيوت اللي لها الفكر عسّاف
من منهل الأفكار قافك نسيجه = أرسل وأبا أرسل لك حليه بالأوصاف
كان الرخوم الساقطه مستهيجه = العافيه مكسب والأموال تنعاف
ومد النظر وسط الوساع الفجيجه = يسوا مع الألاف مليونٍ ايضاف
ما همنا غدر الزمان وغنيجه = الفقر ما غيّر تقاليد الأشراف
إلى اختلط غيم السحاب وعجيجه = الحر له مدخل ومخرج وميقاف
احظوظنا ما ساعفت مع خديجه = حظي مثل حظك على جال مهياف
الشاعر/ خالد محمد البيضاني
*****
*****
مثل فراش الليل
***
هذه القصيدة للشاعر/ معاند ( خالد البيضاني ) :
تجمعوا حولك ، يسار ويمينك = مثــل فراش الليل لا شافت تريك
هـذا وقف بين انتباهـك وبينك = وهــذاك باسم انك تحررت يغويك
لقــوك في وقتٍ تغرك سنينك = لحظــة تفتــح وردك ، وغاب واليك
يمـلا ابتسام الطهر نظـــرات عينك = واحساسك المرهف يســيّـر خطاويك
لقــوك والجـــاني دلالـك و زينك = مظهرك يرفض كل ماض الطفل فيــك
يبــون ربط يدينهم في يدينك = و تـتـبع طريقٍ للندامة يوديك
يقــضون لذات معـك قبـل حيـنك = ويفارقــونك قبل تدرك هقاويك
إن طعــتهم غير إنهم ظالمينـك = ظلمــت حسنك و إكتمال الحلا فيك
شعر/ معاند ( خالد محمد البيضاني )
*****
*****
ولا تجد من يبريك
***
وجدت قصيدة الشاعر معاند السابقة، فأعجبتني مادة الموضوع، في هذه القصيدة التي في غاية الجودة،
والتي تصور سعة اطلاع، وخصب فكر ناظمها، فكان ردي عليه بهذه الأبيات الآتية:
يا صاحبه يا عناد ربك يعينك = وعلى تحمل ما تعاني يقويك
ويلم شملك مع حبيبك ضنينك = ويبرئ من الغيره تجدد مكاويك
إن كان دينه يتفق هو ودينك = قل له يخلف الله على اللي حواليك
ألعب بهم مثل الورق في يدينك = أخبص ووزعهم على فروع ناهيك
والزات منهم لا توليه عينك = يخسون ولا يسوون حتى مواطيك
بسبب جمالك كل عينٍ تدينك = بقتل الغرام ولا تجد من يبريك
هذا وأنا يا أخوك قد ذقت بينك = يا عناد ما جاني من الحب ما يجيك
شعر/ نافل علي الحربي
*****
*****
يا نافل علي أنت وينك
***
هذه القصيدة للشاعر/ خالد محمد البيضاني العمري الحربي ( معاند )، قالها رداً
على قصيدتي السابقة، التي وجاريت بها قصيدته التي قبلها:
من امس يا نافل علي وانت وينك = انا من البارح اصوت واناديـك
القاف جاني كاتباته يـديـنك = و انته بشعرك تتعب اللي يجاريـك
يا قاف رد العـلم لمجوديـنك = واللي مقلطنا على اجزل معانيك
لا والله الا هي تفدى جبينك = قطعة كرستاله وصارت بلستيك
من لا يودك لا تصافح يمينك = وابعد عنه حتى ولو هو بناخيك
شعر الشاعر/ معاند ( خالد البيضاني )
*****
*****
حكمه وتكتيك
***
ردي على قصيدة معاند ( خالد البيضاني ) السابقة:
يا عناد أنا حضرت حالٍ لعينك = ساعة سمعت القاف جيتك ملبيك
يا عناد حد الله بيني وبينك = لو ما تحكم الشعر ما أعجبت أنا فيك
شعرك جواهر صياغتها يمينك = تسلم يمينٍ بالأوائل تساويك
وأنا اعتبرني من ضمن معجبينك = وتستاهل اللي يعتني بك ويرويك
مثلك علم وتنومس مدونينك = بك من مزايا العرف حكمه وتكتيك
شعر/ نافل علي الحربي
*****
*****
هيبة أصحاب السمو والمعالي
***
قصيدة للشاعر معاند ( خالد محمد البيضاني )، موجهها إليّ:
يا سلامي على اللي له بقلبي معـزه = عملةٍ مـاتفرط لو تطول الليـالـي
من بيوت على الدين انبنت و المعـزه = حرب للحرب تاريخ من اول وتالـي
مسندي هو عضيدي يالجـناب المنزه = منزلك بالسماء بين النجوم العوالـي
يا علم فوق راس طويق أبيض نـرزه = هيبـتـك هيبة أصحاب السمو والمعالي
شعر الشاعر/ معاند( خالد محمد البيضاني )
*****
*****
فزعتي للتوالي
***
ردي على قصيدة الشاعر/ معاند( خالد محمد البيضاني الحربي ) السابقة :
يا معاند خفوقي فز لك كم فزه = يوم جتني بيوتك خطها ضغط عالي
يا سلامي على بيوتٍ لها زود مزه = من أديبٍ معوّد للمعان الجزالي
جعل ربي يزيدك من نعيمه وعزه = خل قدري بقدره يوم جا له مجالي
كل قدرٍ يقدر في مكانه وحزه = يا كريم السجايا لا تزود جلالي
وأنت قدرك رفيعٍ وهضبته مقلحزه = يا ابن مجدٍ معرب بين جدٍ وخالي
يا عوض من لجا له يا ملاذه وبزه = يا رفيقي صديقي من يمين وشمالي
كان قلبي وجيع وكل همٍ يحزه = ويوم جاني كتابك سحت وارتاح بالي
تكرم الناس فيهم مثل سندوق خزه = كل ذيلٍ تشمه جعلها للزوالي
حط رمحه بكبدي عقب كزه وهزه = جابني في طريقه فزعتي للتوالي
ما يخلي المخازي لو بعينه تطزه = والطبوع الخسيسه ما لها أول وتالي
اسمحو لي جوادي انحرف عن ملزه = وجبت شيٍ بصدري من قهر ما جرالي
اسمحو لي ضميري تشتعل نار قزه = جعل ربي يحماكم من صدوف الليالي
شعر/ نافل علي الحربي
*****
*****
رايحٍ في مراده
***
هذه القصيدة قالها الشاعر/ محمد بن عبد الله الجويعان الحربي، وتعزيةً لي بوفاة والدي/ علي بن عبد الهادي القمامي الحربي، في 19/12/1415هـ، رحمه الله، واسكنه فسيح جناته:
ترى الرجل ليا صار مبصر وعرّاف = يفهم حياته مقتفيها نفاده
لو طال مشوارك مرده للانكاف = ديان عمرك يلزمك في سداده
لا ترتبك اليا حل بالعمر قصّاف = الله بخلقه رايحٍ في مراده
وارجو قبول التعزيه يا أبو نواف = طالت حياة اللي بقي في سعاده
ولعل ميتكم بظلٍ له أطراف = ونيسه الرحمان وقت انفراده
فعله يعز الرأس بالطيب ينشاف = عند العرب تلقى لطيبه شهاده
له طول يـمنى بالمراجل وميقاف = من جاب له سيره هرج بالاشاده
قضى حياةٍ ما بـها نقص وإخلاف = والكامل اللي منفرد بالعباده
يا الله يا اللي بالمخاليق لطّاف = يا واحدٍ عبدك عليك اعتماده
يا معطيٍ عبده حسابه بالإنصاف = من ظلمة الالحاد للنور ناده
حيثه على الأدنين ما هو بـمزهاف = وضد العنيد اللي تبين عناده
وإلا كثيـر النـاس لو مـات مذلاف = وخسارةٍ تلبس عليه الحداده
عسى حفيد العود مثله بالأوصاف = ويعيش في وقتٍ قليل نكاده
هذا حسب عرفـي وما زاد ينعاف = واقبل تحية من عطاك اجتهاده
الشاعر/ محمد بن عبد الله العواد الجويعان
*****
*****
فيه لله راده
***
رد المؤلف/ نافل علي الحربي، على قصيدة التعزية، التي وجهها إليه الشاعر/ محمد الجويعان الحربي،
بمناسبة وفاة والده المرحوم/ علي القمامي:
يا أبو عبد الله ما ترى باس وإخلاف = عسى حياتك كلها في سعاده
جتني أبياتك وأتحفت نفسي إتحاف = فيك افتخرت وصار عندي جلاده
جتني وقلبي من طواريه منلاف = والبال فيه من الهواجيس شاده
يوم الخميس اللي مضى كلٍ انلاف = سمع الخبر واطرق جريحٍ فواده
وحاولت اهديهم بكلماتٍ ألطاف = لا شك من يسمع بعقل وركاده
كلما ألتفت لشخص إليا الدمع ذراف = أهرج ولا بالهرج معهم فياده
هذا يصيح وذاك منشل الأطراف = وهذا فقد وعيه طريح الوساده
وغديت مثل محرّك النار باشعاف = يبي يطفيها وتالع زياده
وزاد البلاء بالقلب من هول ما شاف = وبلشت في نفسي على غير عاده
واللي جرى باليوم يأخذ بالآلاف = الموت حق وفيه لله راده
لابد لعمر ابن آدمٍ من توقّاف = له وقتٍ معدودٍ تحدد أعداده
وعقب حياته بالنعش فوق الأكتاف = إلى قبرٍ يدفن به ويطوى قياده
يا الله يا غفّار يا خير روّاف = تغفر ذنوب اللي فجعنا إفتقاده
وتجعل سكن مثواه جناتٍ ألفاف = فيهن من اللذات غاية مراده
الشاعر/ نافل علي الحربي

*****
*****
اسميه تاجي
***
هذه القصيدة مساجلة مني شعر موجهها إلى الشاعر محمد العواد الحربي، وذلك لأنه سبق وأن قال لي:
سأرسل إليك قصيدةً وجهتها إليك، ولكنها ليست لدي الآن لأنني لا أحفظها ، فلما تأخر وصول القصيده
بعد ذكرها بعض الوقت، بعثت إليه هذه القصيده التي ضمنتها رأيي الشخصي حول ما أتمنى أن تكون القصائد اليوم من نوعه، هي القصائد الصالحه للتدوين، لا الأشعار التي لا تدون ولا تقال في كل مكان مثل قصائد الهجاء، خاصةً القصيده الأولى، التي تكون سبباً في التهاجي، والتي إذا قيلت ربما يقع بسببها إشكال لا تحمد عقباه، ولا تخدم القبائل بأي حالٍ من الأحوال، لأنه لا يوجد بين القبائل أي عداء، يبرر التهاجيء بينها، قال عز من قائل: " افحكم الجاهلية يبغون ومن أحسن من الله حكماّ لقوم يُوقِنون "المائدة50 ، فالشعر الصالح هو ما كان خالاّ من االمآرب الشخصية الدنيوية الدنيئه، كطلب الشهرة على عاتق القبيلة، بل يخدم المصلحه العامه، ويعلي كلمة الله، وذلك إذا وعي الشاعر ماعليه من واجبات اتجاه دينه ومجتمعه، فاحترام أنظمة دولته، وخدمها بشعره مدحاّ كان شعره أو هجاء، في سبيل الدفاع عن الدين، والوطن والمواطنين، وتوحيد الصف والكلمة حول ولاة الأمور، قال تعالى:" ومن أحسن قولاً ممن دعا إلى الله وعمل صالحاً وقال إنني من المسلمين " .
ولا أنسى إن أقول: إن الأخ الشاعر محمد العواد أرسل إلي القصيدة المطلوبة منه، وقصيدة أخرى رداّ على هذه القصيدة في نفس اليوم الذي وصلته فيه قصيدتي هذه، وقد رديت على القصيدة المطلوبة حين دلك، كما هو مبين لاحقاًّ:

يا أبو عبد الله وين مذكورك الآن = البر خيره عاجله ما يجاجي
أبي الهدف اللي أنت مسويه نيشان = بقولك أبا أرسل لك بيوتٍ سواجي
ما أدري وش اللي يلبسنه من إعلان = عن السجايا الضيقه والفجاجي
مقبولةٍ لو هي هجاءٍ لي بنقصان = أنا مع اللي ينكر الإعوجاجي
وكشف الخطا وذم الرذايل بالإنسان = مشروع وذمامه لجزواه راجي
لا صار لا يخص به فلانه ولا فلان = اصدور سمحين السجايا ملاجي
تقبر بها الأسرار من ماض الأزمان = وليل الذي عينه على الناس داجي
وأنا عدو للرداء وين ما كان = ولاني مع اللي للقبايل يهاجي
متميلحُ بعيوب ربعه دليقان = يقول يهاجيني بها كل هاجي
يعيدها بكل الأماكن والأحيان = يقول يعيروني بذيك الرواجي
ويشوف حاله من غروره بليهان = دجاجةٍ من مدحها قول ماجي
لا هو من عيال الحمايل وله شان = وله سمعةٍ قشراءٍ عليها عجاجي
يبغا يضيعها بتوزين الألحان = والمصمصه ماهي سوا والنفاجي
يزعم إصلاح الغير وجواه خربان = ومن الحياء والصمت والميز ناجي
ما في أهدافه ذرة عفه ولا إيمان = إلا الرياء والسفسطه والتهاجي
وأنت الرفيق اللي معي قلب ولسان = وأنت الوحيد اللي اسمه تاجي
يوم اختفا نجمي ولا عقبها بان = عزيتني به لا فجعكم امفاجي
يفداك من ينقر تحت كل دجان = وعنقه على الجارات فيه انعواجي
الشاعر/ نافل علي الحربي
*****
*****
ما يوافق مزاجي
***
رد الشاعر/ محمد العواد الجوبيعان، على قصيدتي ( اسميه تاجي ) السابقة:
حي الجواب وحي من صاغ الألحان = ترحيبةٍ يجهل مداها المجاجي
جاني جوابك يا سلايل كحيلان = وقلنا هلا بكتاب طلق الحجاجي
وأرسلت مطلوبك ولاني امنان = لو كان مدح الروح قالو سماجي
والشعر يا نافل به اضعاف واسمان = وأنا ضعيفه ما يوافق مزاجي
وإن صار للشعار بالشعر ميدان = عن الجزيله ما ندور ملاجي
والخط يعرف كان للخط عنوان = ويعطييك سعر السوق راع الحراجي
وعن طولها يكفيك ماقال راكان = وقولٍ بلا معنا يجي به اخماجي
الشاعر/ محمد عبد الله العواد
*****
*****
صوت داعيها
***
قصيدة مساجلة للشاعر/ محمد بن عبد الله العواد الجويعان الحربي، موجهها إلى الشاعر والمؤلف/
نافل علي القمامي الحربي13 / 1 / 1429 هـ:
البارحه ليلة الهاجس ما هي ليله = ليل الهواجيس يفرق عن لياليها
يا مل قلبٍ إليا هوجس يطريله = روابعٍ كنت أظن القلب ناسيها
إليا طراله من الماضي تفاصيله = راعيه يخلف قدم رجله مواطيها
من كثر ما شاف من وقته تهاويله = تخم نفسه طواريها وتخطيها
إليا ذكر ماضي الوقت ومقابيله = يغيب مع حاضر أيامه وما فيها
لو أنت عنده تصوت له وتوميله = عنك المسامع مسكرةٍ مجاريها
وليا انتبه فاته المعنى وتحليله = تفوته السالفه ما تقل يوحيها
يا الله يا اللي خلقت الروح وتشيله =يا محصيٍ كل خلقك وأنت واليها
تلطف بحالٍ سعا وقته بتذليله =عنه المصادر مقفيةٍ سوانيها
سواني الزرع تقفي عنه وتجيله =وسواني الحال خلت له مناحيها
ما له سوا يا عسا ربه يسويله = تومي به أيام وقته مع لياليها
عبر زمانٍ مضا دارت محاحيله = وعدّت على خير وضامنه تواليها
أبا أشكي الوضع وأرسل مع مراسيله = عسا الموزع رسالتنا يوديها
يا اللي تشيل الرساله شوف من هيله = وأسلم وسلّم لنا لا جيت راعيها
وإليا تقهويت من صافي فناجيله = وقال الخبر قل له ارساله ودوكيها
وإليا أخذ الخط نافل قبل يبديله = تفصيل ما بالرساله من معانيها
ودع محله ترا الإنسان تأتيله = روابعٍ تخلف أفكاره طواريها
إليا سمع صوت رجالٍ يناديله = خصٍ إليا قام يزهم صوت داعيها
أبا انتظر رد نافل مع محاصيله = عساه يذكر دروب الخير نمشيها
وختامها العود مع بنٍ كثر هيله = مع التحيه لابو نواف نهديها
الشاعر/ محمد عبد الله العواد
*****
*****
قبل داعيها
***
قصيدة مساجلة وهي رد نافل علي الحربي، على مساجلة الشاعر/ محمد العواد الجويعان الحربي
" صوت داعيها " السابقة13 / 1 / 1429 هـ:
يا مرحبا بالبيوت وحي من هيله = ارسالة اللي نحب الله يحييها
عداد ما هل هطالٍ هماليله = وعداد حاصل النجوم بضرب داجيها
وأهلا وسهلا بـمندوبه ونثنيله = وجزيل شكري لحاملها ومنشيها
ولو انتظر لي دقايق كان أخاويله = لأجل أتشفا من الشكوا بتقصيها
لكن عسا الله يرعاه بتساهيله = ما أعطا الرساله قبل يمشي لقاريها
حياة من لا فزع للربع وش هيله = شلت يمينٍ ما تفزع قبل داعيها
أما الدهر يا أبو عبد الله نرا ميله = ونحس مثلك بضداته ونوحيها
ما من أحدٍ ما توطنه غرابيله = وراعي التجارب تفيده عن خوافيها
يا معاتب الوقت عوجه ما بها حيله = جميع مخلوق بالدنيا يعانيها
والعمر عشبٍ إلى أزهر كلٍ يخيله = يرجيه يكبر وتدله به رواعيها
وإلى استوا تطرب الناظر قناديله = أزهاره اللي تشوّق من يراعيها
وكلٍ انتفع به وكلٍ وده يجيله = وكثرو أهل النفع في مخصب مراعيها
وإلى يبس قل نفعه ودمره سيله = وأخلت حدود المداهل بعد أهاليها
وأبشر بتحصيل ما يرضيك تحصيله = من الآن قدّم طلباتك وأبا أقضيها
الشاعر/ نافل علي الحربي
*****
*****
ذات قيمه
***
هذه الأبيات بعثتها للشاعر/ فهد بن محمد السبيعي الحربي، كنت أتشره عليه بها على أنه لم يَفِ بوعده لي، وهو أن يجهّز لي قصائده، لأدونها له ضمن ديواني " المجموعة الظريفة من نوادر الأشعار النبطية والروايات الطريفة "، الذي كنت أحضرلطبعه آنذاك:
يا راكب اللي لا تروّح مسيان = لجّة بلوفه كنها رش ديـمه
مسندٍ مر الثـمامي وعرفان = عجه يلصق بالسماء تقل غيـمه
متوجّهٍ لقبه عانـي وعجلان = من الحفر على طريق الخريـمه
جيب لاندكروزر فُل من صنع يابان = يهوي تقل يطرد بتهمة جريـمه
نصه إلى فهد محمد بعنوان = وسلّم على راعي المزايا الكريـمه
وقل له يوم انه خير عارف وفهمان = وبخيص بتأثير الندم والحريـمه
لا وحسافة عنوتـي يابو سلمان = لموعدٍ ما صار له أي قيـمه
جيت اتحذا للسوالف وشفقان = أبـى سوالف الرجال القديـمه
أبـي قصص وأشعار عطبين الايـمان = أهل الشجاعه والكرم والحشيـمه
ومن عنوتي رجعت مفلس وندمان = أبـى المكاسب وارتضيت الهزيـمه
غزيت وعدت بما أملكه قبل كسبان = بعض الطمع منه السلامه غنيـمه
ترى الوعد دينٍ موجل لديان = دينٍ يفي به كل خصم لغريـمه
ما هو مجرّد هرجةٍ قولة لسان = تزل بها أهل العقول الغشيـمه
عز الله أني ما توانيت شرهان = وش عذركم ياهل القلوب الفهيـمه
الشاعر/ نافل علي الحربي
18 / 3 / 1415هـ
*****
*****
والخواطر سليمه
***
رد الشاعر/ فهد بن محمد بن عياد السبيعي المرواني المزيني الحربي (1362 - 0000 هـ)،
على الأبيات التي بعثتها إليه بعنوان " ذات قيمه ":
يا مرحبا برسالةٍ شانها شان = أبيات من نافل عسى الله يديـمه
فيهن يعاتبني وأنا عندي امكان = إلى دخلت بجو ما أسوق بيـمه
يا ما لعينك من سوالف وألحان = من خاطرٍ بدع المثل ما يضيـمه
بس أول المده لنا الوضع ما بان = لين أن مرسالك عطانا القسيـمه
ولا هو بواجب منك يا طير حوران = أنك علينا توصل العلم تيـمه
حنا نصارع واقعٍ مثل الأكوان = والذاكره بالحيل شبه العديـمه
هذا زمانٍ به يغيبن الأذهان = وقتٍ به العاقل يسامح خصيـمه
تقول أنا جيتك وعوّدت خسران = كنك تبي عن عنوة الجيب قيـمه
وإرضاك من رأسي على روس الأمتان = بشاية اللي كان موسى كليـمه
وكانك تبـي تفتح للأشعار ديوان = ترى سراجيف الضماير محيـمه
هيضتنـي وأشعلت بالقلب نيران = يابو علي توك نويت تحطيـمه
وصليتنـي بالسالفه صلي الأفران = إلى أولعوهن وأحرقن الوليـمه
وأنا تراى لمثل شرواك مندان = الرجل يشكر لو على طيب خيـمه
ولاني بأقول أنك بما قلت غلطان = وأبياتك اللي قلت ما هي ذميـمه
وايضا ترانـي واقعي قلب ولسان = ماني بمن يركب عميـمه طميـمه
تمت وصلى الله على نسل عدنان = وحده بوحده والخواطر سليـمه
الشاعر/ فهد محمد السبيعي
*****
*****
سمعته سوسه
***
هذه القصيدة للشاعر المعروف القدير/ محمد حمود الجويدي الكتمي العلوي الحربي ( 1336 - 000هـ )، قالها في مناسبة وجود نوعٍ خاص من أنواع الاشاعات المروجة، التي لا يعرف مصدرها:
يقول من سانع المعنى لهوجاسه = بأسباب من جرّب المشلاع بضروسه
الذاهبه ماتبـي دوّار وابلاسه = رأيتها يم ذاك الصوب مدسوسه
حصلت عنها الخبر بأسلوب حساسه = واظنها ياجماعة خير مدنوسه
والشاعر اللي قفاه أعز من راسه = بيّن قفاه وغدا راسه وناموسه
هو يحسب اني ما أعرفه وين مجلاسه = وأنا أفتهم سيرته وأتابع دروسه
وأدري بساسه ووسواسه وخناسه = وأجرح ضميره وأسجل معه هاجوسه
يبي يطيب وتردّا والردا ساسه = من شبته لين شاب وسمعته سوسه
يبي يموت ابلاه وشره قياسه = طوله وعرضه على قده وملبوسه
أعوذ بالله من طاريه وإفلاسه = والسمعه اللي ابيت ابليس محبوسه
شعر الشاعر/ محمد حمود الجويدي 0
*****
*****
الميلات مسيوسه
***
وهذه قصيدة قلتها مجاراةً لقصيدة الشاعر/ محمد الجويدي " سمعته سوسه " السابقة:
الضرس لا صار يقزي من تسواسه = وش تنتظر من بطاه إلى سرف سوسه
يوم العرب يحتسون الجاز والكاسه = ما تشاف جربا ولا من ناس مضروسه 1
ومن لا يعرف العلاج وداه وقياسه = لا تظن منه المريض يطيب محسوسه
راعي العوايد يعود لطبعه وساسه = ان ما اكتشف له علاج ونوع فيروسه
اللي يضيع القوايل يحسد الساسه = وكبد الردي من سماع المدح مفحوسه
لا يعجبك قول شيهانه وقرناسه = بعض الصقور اصبحت لاعداك جاسوسه 2
نعرف كلام الغشيم إلى ركب راسه = واسلوب نسجه و منواله وعرنوسه 3
ان كان ولّى عساها عين لماسه = ودك مثل نوع هذا ينقطع سوسه 4
وان كان عاود وسيلة شر ودلاسه = ورا الظهر بالظليمه ينشر أطروسه 5
يحرم علينا القلم مع نقل قرطاسه = لا ما طلب عفونا من سم دبوسه
نصير ضيقة تنفس تكتم انفاسه = في يقظته والمنام نصير كابوسه
اللي يسمهر مع الصرصور بأغلاسه = ولا يصبح إلا بزواياٍ غير مانوسه 6
ملوّث وخاين وبه سرسام في راسه = والمعالجه ماترد عقول ملحوسه 7
والله لو زارنـي وأظهر لي إحساسه = لأعطيه من فوق حقه زود وأبوسه
لا ما حصل تصلح الغلطات بسياسه = ترى الجنايه أشد من الخطاء دوسه
راع الخطاء لا تحط الراس في راسه = بالشك غلطة رفيق وغير مدروسه
واليوم في كل وجهه شرع وحراسه = والحق مضمون والميلات مسيوسه
لاوقت مغزا ولا نشره على رياسه = والحر مايامره بالغدر ناموسه
شعر الشاعر/ نافل علي الحربي
الحاشية:
1- الجاز:الكلاّبة 0 الكاسة: النورة0 سائلٌ يستخرج من أزهار بعض الأعشاب، لمعاجة الجَرَب،وبعض الأمراض الجلدية الأخرى0
2- هذا البيت إشارة إلى خبر ورد قبل فترة من الزمن عن وجود صقر يحلق فوق أجواء أحد الأقطار العربية يحمل جهاز تجسس اسرائيلي،
وذكره هنا على معنى التشبيه بالشيء المرغوب والذي ربما يكون منه ما هو سيئ0
3- نسجه : نظمه، على التشبيه بنسج الثياب أي حياكتها0
المنوال: آلة الحائك التي ينسج عليها الثوب، وقت النسج0 عرنوس: عودٌ ينصح عليه الوبر أو الغزل0
4- عين لماسه : دعاء بعدم الرجوع0 مأخوذ من المثل الشعبي ((عنه الخبر عين لماس)) أي أختفى،
ولا يعرف عنه شيءٌ فيخبر عنه0سوس: أصل0
5- دلاسة : إخفاء الصحيح، والإتيان بغيره في الحديث0 طروس: أوراق0
6- أغلاس: ظلمات0
7- سرسام : ورمٌ في حجاب الدماغ يحدث عنه حمى، وإختلال وفساد في العقل0

يتبع



 

التعديل الأخير تم بواسطة نافل علي الحربي ; 09-08-2015 الساعة 05:18 PM

رد مع اقتباس
قديم 09-08-2015, 05:16 PM   #2
نافل علي الحربي
شاعر ومؤرخ


الصورة الرمزية نافل علي الحربي
نافل علي الحربي غير متواجد حالياً

بيانات اضافيه [ + ]
 رقم العضوية : 496
 تاريخ التسجيل :  Sep 2013
 أخر زيارة : 03-31-2019 (05:27 AM)
 المشاركات : 439 [ + ]
 التقييم :  15
لوني المفضل : #7D7F82
افتراضي



فزعته عرّفتبه
***
هذه القصيده إهداء لابن العم الأخ الإستاذ والصحفي المعروف: خالد دخيل الطويل العلوي الحربي،
مدير مكتب صحيفة الوطن في المدينه المنوره 1429/12/20 هـ:
بـسم الله أبدا وأستعــينه وأراعيــه = أخيــر مـا أخيــر المبــادي بدتبه
عـلاّم مـاتخفي الضماير وتبديه = وأعز ماتسعـا برضاه وقنتبه
يا أبو دخيل الفكر عجزت أمشيه =به علةٍ لا عادته جيمت بـه
لو جاء يركز ما تعطـــيه طواريــه = إن ماجنبت عن مايريد أشملتبه
عجزت أشخص هاجسه يوم أعانيه = غير الندم بعد التذمر ونتبه
وهو عادته يدرا النظام وتعديه = والناس يدرا حقها لا سعتبه
أعوذ بالله من إبليس ومعاديه = ومن شر ناسٍ شرها وسوستبه
وأظن كثر النقد للفكر يوذيه = ويلفت له الأنظار لو مادربته
احيان أخالف للنمط لأجل أسويه = واكسب رضا الحسّـاد لا قصرتبه
اطيع وقتٍ مايطاوع أمباريه = كم موقفٍ لاحظت ميله ورتبه
وأنا الأدب طبعي وغصت بمجانيه = سفني جنت من كل بحر ورستبه
لكن زمانٍ ماتشجع جواريه = يكل منها الفكر لا عدلتبه
ياكم وكم وكم كم نعانيه = من حيف اظروفٍ ميلها بالغتبه
وانساير الأيام باللي تسويه = لو ماتبيه انفوسنا ولا قنعتبه
وراعي الجمايل ماتخافني مساعيه = ولا اطاوع الحساد لا شوشرتبه
ولاني صنيع أرخاص هرج وتراريه = ولي همةٍ ماواجبٍ فرطتبه
ارجع لموضوع ذكرته ونــاويــه = لكن هموم القلب عنه انتحتبه
أقول موضوعك بنفسي وابا اقضيه = لكن الظروف الحاليه عاضبتبه
خالد الطويل مقدرٍ له مغازيه = والهمه اللي للمعالي سمتبه
رجلٍ عرفنا سيرته من مماشيه = معلم وأديب وفزعته عرفتبه
بالوصف أقصر دون قدره ما أوفيه = يفداه راعي نزعةٍ غررتبه
ويفداه من هو ياخذ الدرب ويتيه = إن ما ابعدت به شوفته قصرتبه
ومرجع خطاه وعلته من مباديه = أديان البشر وأعرافها ما اثرتبه
والمشكله شعبيةٍ تقتدي فيه = ونست مع التضليل مابلغتبه
الله يكفينا شر مثله ويهديه = ويحفظ بلدنا من امواج عتتبه
من شرٍ جيلٍ غررت به نواديه = له وجهةٍ عن كل حق جنحتبه
كيف البلد يجيه شره منه فيه = عياله وماله للعدو اغدرتبه
بئس الولد إلى عصا لأمر واليه = ومشى مع الأعداء على مابغتبه
الحر ما يجري تحت رجلٍ مشليه = يهين نفسه لأمر باغ طغتبه
هذا الجهل لا شك هذي شواريه = عقل النفوس يعزها ما ارخصتبه
يقتل الأهل والنفس واللي يواليه = يغدر بأرواح اّمنه مادرتبه
واسلم وبلغ من طمعت بتوريه = وردك علي ارجوك عجل بكتبه
الشاعر/ نافل علي الحربي
*****
*****

قصور الحفلات
***
نصيحةٌ من غيورة وأخرى مجاراة لها
وصلتني القصيدة الآتية بواسطة صديقٍ عزيز، من أهل الخير، الذين يسعون في سبيل الخير،
ويعينون على نشر ما يعود بالخير من أمور الدين والدنيا، طمعاً في ثوابه من الله، فجزاه الله خيراً،
هو وصاحبة القصيدة، ووفقهما إلى نيل ما يسعون إليه0 وصلتني القصيدة معنونة بـ " نصيحةٌ من غيورة" والحقيقة أنها بمضمونها تدل على أن صاحبتها غيورة حقاً، ومدركة لما تقول، وما يحصل في مجتمعنا اليوم، من سلوكٍ غير سوي، في تقليد العادات الهدامة، الوافدة إلينا من بلدان لا تدين بديننا، ولم تتطبع بطباعنا، فقلدهم بعض أصحاب السلوك الغير سوي، ممن لا يردعهم وازعٌ ديني، ولا تحكمهم ضوابط أعراف أو تقاليد اجتماعية، بما لا يقره عقل، ولا يقبله ضميرٌ سليم، بل يكرهه و ينفر منه كل طبعٍ جبل على المبادئ الإسلامية الرشيدة، وتعوّد على العادات العربية العريقة، غيور على ملته، وأصالته، و تراثه المجيد، الذي خلّفه عليه سلفه الصالح0نسأل الله لنا ولهم الهداية والصلاح، والتوفيق إلى ما فيه خير الدنيا وسعادة الآخرة0وهاهي قصيدة الشاعرة/ ف ح ب كما سمت نفسها، التي شاقتني، فهاضت قريحتي بأبياتٍ نظمتها مجاراة لها:
يا ربي منك الثبات = شفت المنكر بالبنات
الملبس عاري وضيق = والتفنن بالعباة
إن دنّقت تأخذ حاجه = لو كان فيها ولد مات
والشعر محلوقٍ كله = أتقلد هالغربيات
المرأه كلها عوره = إلا وجهه بالصلاة
واخلاقٍ ما هي مقبوله = ما هي للعرب عادات
والله ياشيٍ نشوفه = في وسط اقصور الحفلات
ما كأني وسط بلادي = وبمهبط الرسالات
وإلى نصحتيها قالت = أنا بتبع هالموضات
عاداتٍ جتنا من برّا = ما هي لأمي والجدات
وراهم ما قلدونا = في ملبسنا والعادات
ليش احنا نجري وراهم = وانتابع هالمجلات
ما قصدهم سعادتنا = إلا غزونا بالذات
والأم هي وشو هو واجبها = إلاّ تربي هالبنات
اتّابعهن وتراقبهن = والهاتف سم الساعات
يا كم مشكلةٍ سبّبه = وخلّف ويلات وحسرات
والله يا شيٍ نسمع به = يجرح اقلوبٍ صلبات
واللي أهمل بنته يجني = أثمارٍ مرّه وآهات
والمؤمن والله يتألّم = كنه ماسك له جمرات
وفيهن رفلى كسلانه = ما تحمّل واجبات
أكلها يجي من برّا = من مطاعمٍ خايسات
إن جاء رجله من شغله = يبي كبسه وقريصات
قالت له هذا ما عرفه = هذا زمانه قد مات
رح جب لك خبزه من برّا = وإلاّ بروست ومشويات
وفيهن عفيفه شريفه = ما تتساوى بجنيهات
دُره كلٍ يتمناها = أصليه من أصيلات
أخلاقٍ ربي عطاها = واتحافظ على الطاعات
و في الشباب اكلابة مطعم = تنبح على القاذورات
يشيل الهاتف ويكلّم = وايكوّن به علاقات
يخدع هذي ويواعدها = لا خوف ولا مراعاة
لو إنه خايف من ربه = له أم وله أُخيات
هو يرضى أحد ايكلّمهن = أو يرضى بمعاكسات
ما فكروا بالعواقب = كلٍ منهم في غفلات
أسأل ربي أن يهديهم = ويرزقهم خوف وطاعات
واختامة قولي ذكر الله = وعلى النبي الصلوات
الشاعرة/ الغيورة ( ف ح ب )
*****
*****
لاهٍ بالدنياويات
***
القصيدة التي قلتها مجاراة للقصيدة السابقة:
أعجبنـي نصح الغيوره = بأبياتـها الصادقات
ما خلّت شيٍ ما ذكرته = وأبـى أباريها بأبيات
هذلّي اللي وصّفتهن = كاسياتٍ عاريات
ما يروحن ريح الجنه = هذا الكلام الثبات
يقوله رسول الأمه = عليه أزكى الصلاوات
الله يحمانا وياكم = من الأمور المنكرات
غزانا الغرب بعاداته = بواسطة بعض التجارات
بأي شكلٍ يبون المكسب = مهما له من سلبيات
عصرٍ يرهب قلب العاقل = وفيه نفوسٍ منخدعات
وإبليس أربح من يتجر به = من اعملاء المسلمات
والنفس الأمّاره بالسوء = ترمي راعيها بنكبات
وأيضا الدريشه المفتوحه = تسابق فيها قنوات
ما يجيبون إلا المنكر = على كل الجنسيات
وين المخافه من الله = يا الأباء والأمهات
وراكم جيلٍ يتبعكم = يكسب منكم ملحوظات
أذكرو ليش الله خلقكم = وأيامكم المعدودات
والدنيا غرورٍ زايل = للي ياطا المنهيات
قدامه كتابٍ واضح = فيه أعماله محصيات
كل شيٍ يفعل يلقابه = من الحَسَانـي و السيات
والخاسر من ضيّع عمره = لاهٍ بالدنياويات
الشاعر/ نافل علي الحربي
*****
*****
معاناة طغواك
***
قصيدة غزلية 24 / 2 / 1430هـ
الله يعين القلب يا المستبده = قلبٍ تعذب من معاناة طغواك
بقربك وبعدك غيرته مستجده = في كل لحظه مستجدات ذكراك
كن مستقيم ولا يجي فيك رِده = على سبيل الحق حسّن نواياك
لا يصير في جوك تكدر وجده = صريح حين وتخفي أحيان قصياك
لا اقبلت بحين أحيان بقفاي صده = وأنا على هالحال ماني بوياك
للصبر حدود ولا تعديه حده = عده حدوده وافقده من تحداك
واللي صديق ومخلصٍ بالموده = إن طبت طاب ولا تحديت شرواك
وإلى زعمتي تستبيحين سدّه = ما أبعد حدوده عن مفاهيم مبداك
لا توصلك هده ولا طول مدّه = ودربه مخاطر لأهل الغي وأهلاك
أخلص بعطاه الود ويعطيك وده = ومع قبسة العجلان تاصل لمغزاك
لا اتيه مع حلمه وصبره وجده = تكذبك ظنونك مع متاهات هاذاك
شعر/ نافل علي
*****
*****
خطك بيمناك
***
بيتان للشاعر / هابس العلوي قالهما مجاراة لقصيدتي " معاناة طغواك "
السابقة:
الحق يا نافل ضروري نعده = نوادر الاشعار خطك بيمـناك
والحــسـد والباطل نوقًف بضده = عسى المنايا يالبناخي تعـداك
الشاعر/ هابس العلوي
*****
*****
ولفظك ومعناك
***
هذه الأبيات الآتية، قلتها رداً على البيتين السابقين اللذين عارضني بهما الأخ الشاعر هابس العلوي:
عداد ما بين الجزاير وجده = أهلاً وسهلاً يا أخي هابس وحياك
وحي الذي مثلك بعرفه وجده = يجمل رفيقه بالحصافه والادراك
والسالفه وجهة نظر مستمده = من وحي ملتنا على قدر الأفلاك
غير النصح والحق ماني بِبِدّه = وأنت العلوم الطيبه من سجاياك
تعرف هوى المعنى وتعرف مرده = إسداء النصايح لا تنوّع هو هناك
واسلم سلمت وهات إذا فيك شَدَه = تراي ما أكره بالقصايد مجاراك
شعرك جزيل وفيه للفهم سده = ويجوز لي نظمك ولفظك ومعناك
الشاعر/ نافل علي الحربي
*****
*****
بالمرجله لاعدمناك
***
رد الشاعر/ هابس العلوي، على الأبيات السابقة التي وجهتها إليه رداً على بيتي شعر المجاراة اللذين
عارضني بهما، والذين هما قبل القصيدة السابقة:
الله علـى اللـي ما وقف بالمـكده = لكزس يقطٌعك الفيافـي لمسراك
بيدين قرمٍ مـا اهتوى للمخده = بالمــــرجله واقوى المــلازيم كفاك
ساعه وساعه سهلةٍ مـجرهده = القاعده يمناه مـن تحت الأسلاك
يم الحفر نارد ونشرب بعده = نافل علي بالمــــرجله لاعدمناك
اوصل لي المكتوب وايضا ترده = ياساعيٍ بالخير هذي هــداياك
مــــن يد هابس يم نافــل بيده = لا يطًلُع بالخط هـذا ولا ذاك
البيت واضح بالوزن مـــن مشده = متكتكٍ بالقافيه خوش تكتاك
وقله قريحتنا غلا مسـتعده = واسـلم وسـلم عد مـا سارت اخطاك
الشاعر/ هابس العلوي
*****
*****
من طيب ساسك ومرباك
***
هذه القصيدة الآتية قلتها رداً على قصيدة الشاعر/ هابس العلوي السابقة:
حي الكتاب وحي من قال وده = وحييت يا مرسول قرمٍ به أوصاك
يا مرحبا بمرسول رجلٍ نوده = حياك يا المندوب ربي وبيّاك
ترحيبةٍ ما هي مواجه وجده = من خاطرٍ صافي وواثق ما هو شاك
وخطٍ حملته دوك بالحال رده = للي عطاك الخط وده وقل هاك
وإلى خذيته موتر الخير قده = يمة مغيب الشمس لا هنت ممشاك
إلى القصيم لهابس اليوم رده =عسى السلامه بالسفر تتبع اخطاك
وعطه الجواب مناوله دون صده = وجهاً لوجه مباشره من محياك
وإن كان ما يعجبك موترك هده= وخذ لك جديدٍ من وكالة كديلاك
ما خاب ظني فيك شده وقده = على البديهي ارتجالي ولا اعياك
تسلم أفكارٍ تحسن اتقان عده = شعرك درر مثل الجواهر وأنا أفداك
من عيلمٍ ما أحدٍ يسد بمسده = استاذ القصيد اللي إلى ابدع به ارضاك
شعرك خطير وبه صلافه وشده = واللي يشوفك من قريب يتهاداك
تبقا وفال اللي يعاديك غده = يا طيبٍ من طيب ساسك ومرباك
الشاعر/ نافل علي الحربي
*****
*****
ومن قدم المعروف يجزى بمثيله
***
الأبيات الآتية للشاعر هابس العلوي، قالها بمناسبة عودته إلى منتدى قومه، منتدى قبة، الذي هو أحد أعضائه، بعد غيابه عنه فترة معينة، ثم عاد إليه، وجعل أول مشاركةٍ له بعد عودته هذه القصيدة، التي تتسم بسمات الوصف والحكمة، التي أهم ما في مفادها أن المرء لا يجد مقام نفسه وقيامها وقوامها إلا حين يكون مقيماً بين قومه وذويه، الذين هم أصله وفصله، والذين يشكل معهم جزءاً لا يتجزأ من النسب الكل، هنالك يعلم أن المرء بنسبه وحسبه لا بذهبه، ذلك النسب المتمايزاً أسرياً، المتضامن اجتماعياً، السائد على خارطة الوجود حيزاً جغرافياً معروفاً له حدوده وأبعاده، وهذا هو نص قصيدة الشاعر هابس العلوي بالحرف الواحد:
المحترم يفرض علينا احترامه = ومن قدم المعروف يجزى بمثيله
وكلٍ منادى باسـم ابوه وعمامه = والرجل يفخر بالأهل والقـبيله
وقولة نعم تبقى وسـام وعلامه = ينالهــا الرجال ناتج حصيله
والكل بالاعضا رفيعٍ مـــقامــه = عرفة وفاء بين العميل وعـميله
والمنتدى الشامخ عرف بالتحامه = موروث طبعه من ليالٍ طويله
ويا أحبابنا عدنا لكــم بالسـلامه = ونقيت من جزل المعان الجزيله
الشاعر/ هابس العلوي
*****
*****
أخو المكارم والمزايا النبيلـه
***
فلما نزلت هذه القصيدة بمنتدى قبة باسم شاعرها هابس واطلعت عليها، أعجبتني، فجعلت مروري
لها قصيدةً رداً عليها، فقلت الأبيات الآتية:
حييت يا عضوٍ رفيـعٍ مقامـه = أخو المكارم والمزايا النبيلـه
مطلوبنا يحضر ويبقى دوامـه = من بيننا في كل يـومٍ وليلـه
والحمد لله بعودتك بالسلامـه = عقب فقدناكـم ليـالٍ طويلـه
لابتك بموفور القدر والكرامـه = تستقبلك يا ابن كرام الفصيلـه
وعسى جديدك يرسم الابتسامه = يثير إعجاب متابعين الفضيلـه
كعادتك حول الشيم والشهامه = ما تكتب إلا النادره والجزيلـه
الشاعر/ نافل علي الحربي
*****
*****
بلا حدود وقياس
***
هذه الأبيات ترحيبية قلتها بمناسبة انضمام الشاعر المعروف نايف بن سلمان الغتر إلى هذا المنتدى اليوم،
فهي موجهة إليه:
حييت يا ضيفٍ عزيزٍ علينا = نايف ولد سلمان والغتر له ساس
لنا الشرف ينضم مثلك إلينا = وجود مثلك مكسبٍ فيه نوماس
حنا على حب الجماعه ربينا = ونشفق على اللي قربهم يرفع الراس
وش زينها لا انضم معنا حدينا = يا خال نرحب بك بلا حدود وقياس
شعر/ نافل علي القمامي الاثنين 5 /8/ 1430 هـ
*****
*****
ما دخل فيه وسواس
***
فيك البقاء يا من عشانه لفينا = من قلب صادق ما دخل فيه وسواس
صافي00ولو تطلب اكبارن عطينا = تبشر بها لو دونها قطع الارماس
الشاعر/ نايف بن سلمان الغتر
*****
*****
ويفهم العلم معكوس

***

هذه القصيدة للشاعر/ نايف بن سلمان الغتر، ولي بعدها قصيدة مساجلة لها:
رادار فــكـــري يــــــا بــوتــركــي تــغــيــر = والبرمـجـة فيـهـا دخــل نــوع فـيـروس
سـبــب خـلــل وانـــا احسـبـنـه مـسـيــر = يمسي ولا يصبح به السـم مدسـوس
لرجـلـن هقـيـت الطـيـب فـيــه وتـخـيـر = عـن هقـوتـي دربــن يخلـيـه مـديـوس
مــن موقـفـن شـفـتـه بعـيـنـي مـضـيـر = علـى فعولـن دونهـا تقطـع الــروؤس
مـتـمــاديــن فــيــهـــا وفــيــهـــا يــعــيـــر = مـن رافقـه لـوهـو نظيـفـن ومـحـروس
لابــــد مــــا يـخـطــي طـريـقــن امـقـيــر = ويمسك طريقن فيه رقـلات وطعـوس
هــــذا قــــراري فــيـــه واحـــــذر تـحــيــر = الوضـع مـا يحتـاج دارس ومــدروس
عـطـنــي نـصـيـحـة وانـتـبــه لا تــذيــر = الضرس يقلـع لا بـدا بداخلـه سـوس
والــعــلــم لــلــعــراف واضــــــح ونـــيــــر = أسهل على ما قيل من سنة الموس
وإلا الـغـبـي جـاهــل وعـقـلــه صـغـيــر = تعطيـه عـلـم ويفـهـم العـلـم معـكـوس
هــــذا ولأنــــي مــــن مــداهــم قـصـيــر = ابدي المشورة خوفتي شرهت نفوس
عــلــى رفـيـقــن فـزعـتــه لــــي تـســيــر = دالــوب سـيـرن فـيـه رمــان وتــروس
شعر/ نايف الغتر
*****
*****
ويفداك هدروس
***
وهذه هي المساجلة التي ساجلت بها قصيدة " ويفهم العلم معكوس " السابقة، للشاعر/ نايف الغتر:
قـيـلـك يـــا أبـــو سـلـمـان شـيــكٍ مـجـيـر = لأمـر الذي يـبـي كلامٍ ولا فلوس
يـا نــيـرٍ مـا يـشـبـهـه كـل نـيـر = عـلـم شـعـر شـعـره مـهـذب ومـدروس
لـقــيـت فـي نـظــمـك دلـيـل لـتـخـيـر = وخصـب خيالـك قابلتـنـي لــه اعـسـوس
أمـا الـرفـيـق الـلـي بـغـيت وتـذيـر = مثل القريص اللي مع القرص ملموس
رعى الرداء مـا يـنـتـواسا بـخــيـر = ما لك وما له دام هو صاحب انجـوس
ودك هــــو وشـكله ضـحايا الـمـقـيـر = علـى السريـع بغفـلـة الـنـاس مـدعـوس
كنه على شين الطبايع مضير = أو ان سحره لشين الأطباع مدسوس
شعر/ نافل القمامي
*****
*****
تقاليده وبآدابه
***
قصيدة في الحث على الحفاظ على التقاليد المجيدة، والتحلي بالصفات الحميدة، والظهور بالمظاهر المشرفة، التي لا تسيء إلى سمعة صاحبها، ولا إلى الأصل الذي يتشرف بالإنتساب إليه، والعزوة التي يعتزّ ويعتزي بها، والجنسية التي يحملها، والتحذير من الانصياع في اتباع الموضات المبتدعة، والتقاليد الطائشة العمياء، والتشبث في ما لا طائل منه، من العادات الوافدة، الدخيلة على مبادئ العرب الأصيلة الخالدة، التي يعتمد عليها قوام حرية الإنسان، واعتزازه وفخره، واستتباب أمنه وآمانه، وتوكد على أنه لا يُحمد مستوغلٌ على التحلي بما لا يليق بمثله، ولكنه يكون عرضةً لنظرات الإزدراء، والإستصغار، ن كلّ أريبٍ غيورٍ على دينه، وعادات بلده، وسمعتها، بعيداً كان أم قريبا:
ترى حب الوطن وأهل الوطن لأهل الوطن مطلوب = ولا عمر الطلب يحصل لمن لا يقدم أسبابه
وترى مخالف تقاليد الوطن يا مواطنه عذروب = فكن قدوه لغيرك في تقاليده وبآدابه
تراك تمثل أهله في بلاد الغير بالمرغوب = فلا تفعل أفعالٍ لا تليق بسمعة أصحابه
وترى تقليدك الموضات ما يجلب لك إلا عيوب = فلا تتبع تقاليدٍ غريبه ما به ثابه
صحيح إن البشر ما ينمدح في زين شكل الثوب = ولا أحدٍ نال إعجاب الناس ونال الحب بأثيابه
ولكن مخالف المعتاد ما هو بالرضا مصحوب = من يخالف تقاليد الأهل يا قل طلابه
حقيرٍ بنظرة العاقل يظنه يترك الماجوب = ولو تسأل هله عن رأيهم لقيل حرنابه
*****
*****
فلا يدنـو مداهـا
***
هذه الأبيات قالها الشاعر/ أحمد جودة، مجاراةٌ لقصيدتي السابقة
( تقاليده و بآدابه )، ولي قصيدةٌ بعد هذه القصيدة رداً عليها،
وهي بعنوان ( من محتواها ) :
أيا أبن العم أستسمحك عـذرا = فدتك النفس وما ملكت يداهـا
ولست انا الذي يسديك نصحا = ومثلك يرتقي مجدا وجاهـا
ولكني اخاطب فيك شخصاً = يمأثر ان تطـال ويرتضاهـا
عوائد قـد ورثناهـا لتبقـى = هي العلياء فلا يدنـو مداهـا
ودين الحق ايدهـا بنصـرٍ = أو أبطل كل مـوروث سواهـا
شعر الشاعر/ أحمد بن جودة
*****
*****
من محتواها
***
ردي على قصيدة الشاعر/ أحمد جودة ( فلا يدنو مداها ) السابقة:
هلابك يا ابن عمي والنصيحه = رفيعة شان عالٍ مستواها
وعسى مَن هي تهمه يستمعها = ويحيا هاجسه من محتواها
ويكون اسوةً لغيره في صلاحه = بأمورٍ يرجي المولى جزاها
وينزع من تقاليدٍ غريبه = على دينه وعاداته جناها
ويعلم إن الموضات بدعه = زخاريفٍ تخيّب من تلاها
وإن كل شيٍ سوى الإله لا شي = ودنيا العمر ما يمدي مداها
ونهايتها حسابه ثم عقابه = على كل جنحةٍ بعمره وطاها
بكتابٍ ما يُغادر به صغيره = وكبيره ما أحصيت حتى يراها
نصيحةٍ ما ارجي إلا الله فيها = ما أبي فيها اتزلف واتباها
ولا أزكي على الله قصد نفسي = هو اللي يعلم النفس وتقاها
ولكن بحسب جدي واجتهادي = أعرف أطماع نفسي واعصاها
لأني مؤمنٍ بدينه ووعده = كما يأمر أجنب عن هواها
شعر/ نافل علي الحربي
*****
*****
على وجه العموم افتخربه
***
هذه الأبيات، قلتها هديةً مني إلى كل من تخاطبه بمضمونها 15 / 1 / 1431 هـ:
أثني على اللي يشكرون المقالات = ثناءٍ على وجه العموم افتخربه
يا أهل العقول النيرات اللبيبات = يا أهل الأقلام اللي رشيقه وذربه
أنتم غمروتني بزود الحفاوات = وثناي عليكم من ضميرٍ أومربه
اعتز بردود الوجيه السفيرات = اللي على قول الجزيلات دربه
أقلامكم ما عوّدت للهزيلات = يفداكم اللي مد جسرٍ عثربه
اللي يتعرض للقبايل بلمزات = فحاشٍ لأعراض العفيفات حربه
جماع لعلوم الخزا والمعيبات = صندوق للشينات للعيب قربه
شعر/ نافل علي

*****
*****

المنتـدى للقبيلـة يحمـل اشـعـاري
***
هذه القصيدة للشاعر/ دباس بن ردن القرن الحربي، وسيأتي بعدها
قصيدة لي قلتها مجاراة لها:
يالله يـا عالـمٍ مـا تخفـي اسـراري = يا خالـق الخلـق والارزاق مقسومـه
انك لـدرب الصـواب تقـدي افكـاري = وتوفـق اللـي بهـم للمرجلـه زومـه
بني علي تاج راسـي عـزي اوكـاري = عدوهـم لا نطحهـم ضاعـت اعلومـه
نصعدعلـى سلـم الامجـاد ونـمـاري = والطيب في سوق ربعي مارخص سومه
ظلي ذاريه الـي منـه جـرا الجـاري = افخر بهم يـوم كلـن يخفـر ابقومـه
بقيادة الي علـى دوس العـدا ضـاري = لاصار بين القبايـل حـرب وخصومـه
الفـرم زيزومهـا مشهـور الاذكـاري = اعداه فـي شايـة الرحمـن مهزومـه
ومن بعد هـذا نويـت ابيـن اخبـاري = لمعاتب المنتدى مـن نـاس منجومـه
محدن على المنتدى مجبركـم اجبـاري = اهدافكـم ياضعـاف الفكـر مسمومـه
المنتـدى للقبيلـة يحمـل اشـعـاري = وكل علوي دون حقـه محـدن ايلومـه
ما تحجب الشمس مهما صار ما صاري ِ= غداركم خايب ٍ مهمـا رمـى سهومـه
يا اهل الوفاء يا رجال العرف يا حراري = الحر في صيدتـه مـا يشبـه البومـه
في منتداكم نبـي جـزلات الاشعـاري = ونبـي مواضيـع مختـاره ومفهومـه
وترا التسامح صفاة النـاس الاخيـاري = ماهي بكلمه يضيق الرجـل بهدومـه
والمنتدى بيـت واعتبـره مثـل داري = وانتم هل البيت بـا القعـده وبالقومـه
واختامها نطلـب العـزه مـن البـاري = والمنتدى ناجحٍ يوم انتـم انجومـه
الشاعر/ دباس بن ردن القرن
*****
*****
لا منه غلي سومه
***
وهذه هي القصيدة، التي قلتها مجاراة لقصيدة الأخ الشاعر/ دباس بن ردن القرن السابقة:
يا أبو ردن لو سمحت أبي لك أباري = يا رئيس المنتدى يا مفنّد اخصومه
بنيت مجدٍ مجيد ونصب تذكاري = وحقك عليه الشكر ما يلحقك لومه
وربعك أشراف البدو كلٍ بهم داري = أفعالهم عند كل الناس معلومه
حمول خيلٍ إلى منه جرا الجاري = يا عز من هم على كنافه وهم قومه
بني علي عز من هو قال يا جاري = وشراية الكيف لا منه غلي سومه
واللي يحارب عدوه في سهم ناري = أرها من اللي بسيفه يضرب خصومه
لا شفت من هو الضحا ينجم ما هو ساري = تراه ما يميز الهيله من الثومه
من لا يحفظ العلوم إن جاء لها طاري = تجي ألفاظه بوسم الجهل موسومه
ولا يسب غيره سواء تيوان وتجاري = وصحايفه سود مأكوله ومذمومه
يصبر على السب والتوبيخ ثرثاري = لأن المعيايا جداه ومبلغ علومه
يسأل عن العلم واستفساره انكاري = خطأه ما يصححه ولا يتقي لومه
واليوم ما للعداوه بيننا طاري = جميع الأيدي بشرعٍ الله محكومه
ومن ضاع له حق يرجع حقه اجباري = في ظل أحكامٍ بختم الشرع مختومه
والظلم لو صال ما يبقى ولا يجاري = يصول ساعه ويبقى الحق للقومه
شعر/ نافل علي القمامي
*****
*****
امور بها يا دباس حاوي ومردوده
***
قصيدة موجهة للأخ الشاعر دباس ردن القرن بشان طلب فزعته بحل بعض الامور:
يا دباس انا بلشت في عدة بنود = بنودٍ بها يا ابو ردن ما انت عادي
واليوم انا جيتك على الأمر محدود = امرٍ تعدا قدرتي واجتهادي
امرٍ علي اثقل بحله من الطود = وعليك اخف من القلم با لأيادي
امورٍ بها يا دباس حاوي ومردود = ولا لي عليها بغير فعلك معادي
وتحيةٍ ازكا من المسك والعود = وانوج من الكادي وريح الزبادي
لك يا عريب الساس يا مصدر الجود = يا فزعتي يا مسندي يا سنادي
نافل علي القمامي
*****
*****
لأن الوضع ما يحتمل للتفادي
***
رد دباس بن ردن القرن على قصيدتي السابقة:
هلا يا بو نواف والنعم بك زود = ابشر لو ان الوضع لونه رمادي
والله يا لو لي حل حاولت يا كود = اجبر بخاطر صاحبي باجتهادي
المسألة فيها برامج وكن كود = عطني بنودك وانسه الوضع عادي
وانا بلشت افرق البيض والسود = لن الوضع ما يحتمل للتفادي
وانته بخيص يارجا كل مضهود = تفهم ولا يخفاك مقصد مرادي
دورلنا المفتاح والحمل منضود = جاهز بظهر شعيل وارقا سنادي
وانته من اهل العرف ما تلزم اشهود = وشورك ورايك يابن الاجواد بادي

شعر/ دباس القرن
*****
*****
ردي على قصيدة دباس بن ردن القرن السابقة:
يا دباس بعض الناس ما بعرفهم زود = اللي يبي زودٍ من البعض غادي
أنا ابتليت بشركةٍ ما لها عهود = وهميةٍ ما تلتزم بالمبادي
قفلوا علي المنتدى وجيههم سود = الله يقفلها بوجه الأعادي
وقعدت اراسلهم ولا يجيني ردود = صمن بكم ما يسمعون المنادي
عسى عليهم زاهي الجيب مقدود = اللي يعاملون العرب بالدوادي
معذور ولا فعلك من الطيب محدود = طلبي هو فتح المنتدى وهو مرادي
شعر/ نافل القمامي


يتبع


 


رد مع اقتباس
قديم 09-08-2015, 05:25 PM   #3
نافل علي الحربي
شاعر ومؤرخ


الصورة الرمزية نافل علي الحربي
نافل علي الحربي غير متواجد حالياً

بيانات اضافيه [ + ]
 رقم العضوية : 496
 تاريخ التسجيل :  Sep 2013
 أخر زيارة : 03-31-2019 (05:27 AM)
 المشاركات : 439 [ + ]
 التقييم :  15
لوني المفضل : #7D7F82
افتراضي





آسف على اللي ما يعرف المعاني
***
قصيدةٌ في الحكمة، والتباين في الأخلاق، وإختلاف المفاهيم:
آســف عـلـى الـلــي مـا يـعـرف المـعـانـي = ولا يـقــدر المـعـنـى حـســب فهم راعيه
الـلي بها غـث وسـمـيـن ومــثــانــي = وعــطـــاء تــمــنــن أو وهـــايـــب وتــوجــيــه
وتــحــســب نــتــائـــج والــنــوايا الأواني = قوالبٍ للهرج تـطبـع معانيـه
أحـــــدٍ كــلامـــي مــقــصــده لــــــه وأنـــانـــي = وأحـــــدٍ كـــلامـــه لـنـفــعــة الـــكـــل نـــاويـــه
يـهـرجــك مـــــن يـعــتــز بـهــرجــه هــدانـــي = يـحـسـبـه مـــــن أفــعـــال الــرذايـــل يـزكــيــه
وأنــتــه تـحـســب للهرج مـضـمــون ثــانــي = هــــو الـصـحـيـح الــلــي يــزهـــق امـبــاريــه
تــــــدري بـــكـــل بـــاطـــل دوامــــــه ثـــوانــــي = يــزهـــق بـــــدرب الـــحـــق لـــمـــا يــجــاريــه
حـبــلــه قـصــيــر ولـلــشــرف مـــــا يــدانـــي = ويـروعـه معـنـى الـشـرف مـــا يـجــي فـيــه
يـسـتـرحـلــه خـــطـــو الــخــبــل والــهــدانـــي = الــلـــي مــرضـــه بــيـــن الـحـنـايــا يـعـانـيــه
الـــلــــي كــــلامــــه ظــــاهــــره مـشـبــهــانــي = لأن بـاطـنـه عـــن يـمــة الــصــدق لاويــــه
قـلــبــه جـــفـــولٍ مــــــن طـــلـــوع الـبـيــانــي = دروب الـطـمـان بسـيـرتـه هــــي مـمـاشـيـه
ولـقــاء الـعـمـل مــــا يــعــد لــــه بالـعـمـانـي = لــو هــو أصـيـل وفـيـه نسـبـه مـــن الـتـيـه
راعـــــي كــبــايــر مــــــا يـــوصـــف بــثــانــي = مـنـافـق ولـــه وجـهـيـن خـابــت مـسـاعـيـه
ديــــنـه هــــــــواه ولا تــحـــمـــده عــــوانــــي = وطــــي الـحـمــا والـسـحــت قــمــة مـبـاديــه
ولا يــامـنه جـــــــاره خــبــيـــث الـمــجــانــي = وعـــلـــى الــرفــاقــه والــمــعــارف مــغــازيــه
كـانـه يــبــيـــت لـــــــي مــقــالـــب تـــرانــــي = مـــانـــي عـــلـــى درب الـــرديـــات حـــازيـــه
ولا أعـــرف نـوايــا الــنــذل قــبــل يـحـدانــي = ولا أحكم على منطوق من قبل ما أوحيه
وعـنـدي عـلـى غـلـبـي ونـصــري ضـمـانـي = والــظــلـــم والـبــهــتــان غــيـــبـــه لــراعـــيـــه
مــثـــل مــــــا إن ســهــيــل نـــجـــمٍ يــمــانــي = والــــجــــدي شــــامــــيٍ يــــدلـــــك تــــوريـــــه
مــثــلــه ايــمــانــه مــــــا يــمــاثــل ايــمــانــي = الـلــي يـعــرف الـشــرك مـــا يـنـخــدع فــيــه
ولا أنــعــاه لــــو هــــو لا فـقــدنــي نـعــانــي = مـــــن لا يــحـــب الله لا عــــــاش طـــاريـــه
الله عـن طـرق الــضــلالـــة يــقــانـــي = ومــن شــر مــا تخـفـي الضمـايـر وتـبـديـه
ولا إيــــاه يـشـمـت فــــي قــاصـي ودانـي = حـــــيٍ ومــيـــت أســألـــه وأعـتــصــم فـــيـــه

شعر/ نافل علي الحربي
*****
*****
أبا ألعب وأغنيه
***
الأبيات الأتية لشاعر يرمز لاسمه بـ ( حصاد )، قالها رداً ومجاراةً
لقصيدتي السابقة، التي بعنوان ( آىسف على اللي ما يعرف المعاني ) :
ويش عرف اللي ساكنٍ بالمواني = غير السمك وشوار والموج حاديـه
ما شاف نوض البرق بام اثعلانـي = ولا لحق زملٍ تحـدر يحاذيـه
والا هذاك اللـي سكـن بالمبانـي = ما صكت الارياح وجهـه واذانيـه
قافك حلو لـو اقعـد إلليـل ذانـي = صبّح علي الصبح ابالعب واغنيـه
شعر/ حصاد
*****
*****
به معزه وتشريه
***
وهذا ردي على أبيات حصاد السابقة:
حصاد قافـك يـا عزيـزي لفانـي = وعندي عزيزٍ مـن معـزة معنيـه
أهلاً هلا بـه عـد وبـل الغشانـي = وعداد رمل النفـد واللـي حواليـه
وعداد مـا ورد القطـا الريهجانـي = وأصدق منه في حين صوته يغنيـه
أهديت لـي خيـلٍ عليهـا مثانـي = حقٍ عليه ما اشترطته وأبـى أديـه
نزهت قافك عـن قصـور وتدانـي = وصغته مثل صوغ الذهب مع بوتقيه
ونعم الكلام الزين جـزل المعانـي = ونعم الحكيم اللي بفكـره مسويـه
أشكرك يا الطيب رفيـع المجانـي = على مـرورٍ بـه معـزه وتشريـه
وأنا صديـق الطيـب المعشرانـي = وإلا الردي يا أخوك مانـي بأدانيـه
ويسرنـي فهمـك لمعنـى بيانـي = ومن لا فهم يا ليت يسأل وأنا أفتيه
وختامهـا أزكـا تحيايـا وأمانـي = معطرٍ بالورد صافـي لـك أهديـه
شعر/ نافل علي
*****
*****

وعيني ما تطاوع للنفوس وهواها
***
قصيدة غزلية، جاراها بعض الشعراء كما سيأتي:
مرت تمدرا تقل تاطا على بيض = أو تقل تقصر بالزلق من اخطاها
بيضاء بلا مكياج وأبيض من البيض = ذيك العذارى اللي خزنها اخباها
يا بعدها عن ناظرات التغاميض = وما أبعد نظرها عن أهلها ومداها
درة شرف ما هزها عنه ترويض=في ظل قومٍ ما يقرب احماها
وجدي عليها وجد من عض بالغيظ = على إبهامه لين نثر ادماها
نفسي عليها تحرض العين تحريض = وعيني ما تطاوع للنفوس وهواها
واقفيت مثل الهيم وردت من احميض = داجت على الماء وصدرت في ظماها
قالوا علامك قلت غيض بعض فيض = خلو خفايا علتي في خفاها
شعر/ نافل علي 19 / 4 / 1431 هـ
*****
*****
وارفع كفوفك له ترى الله كافي
***
رد شاعرة ترمز لاسمها بـ ( النايفة ) على قصيدتي الغزلية، المعنونة بعنوان (
وعيني ما تطاوع للنفوس وهواها )، وهو عبارة عن قصيدة مجاراة لهذا القصيدة،
حيث تقول النايفة:
يا صاحبي لا تشتكي الوقت والحال = خل الذي في قلبك اليوم خافي
ما كل حكيٍ يا ابيض القلب ينقال = ولا كل عمرٍ من شقى الحال غافي
رح واشتكي للي له الكل رحال = وارفع كفوفك له ترى الله كافي
واعرف ترى كلٍ من همومها شال = ولا عاد شفت اللي من الهم صافي
شعر/ النايفة - 19 / 4 / 1431هـ
*****
*****
وجميع ما قلتيه وارد وكافي
***
ردي على النايفة:
يا النايفة يا أختى ترى أبياتك أجزال = وجميع ما قلتيه وارد وكافي
وردك جعل همي عن القلب ينزال = عقب قريته ما بي إلا العوافي
بأذن الذي بيديه تصريف الأحوال = وفضله على كل المخاليق ضافي
له اشتكي وادعي وارجي وأسال = أساله بكفوف الضراعه انصافي
وهو الذي بيديه تقدير الآجال = وهو الطبيب اللي لخلقه ايشافي
والحب يا بنت الأجاويد غربال = يحرق ولا يطفي حريقه مطافي
وشكواه تيتبقى على مر الأجيال = شكوه قبلي ناس وناسٍ اخلافي
وكل ما ذكرته أو طلبته بالأمثال = ان يتحقق لي عليها زفافي
وتقبلي أجمل تحيات واجلال = ممزوجةٍ كادي وريحان صافي
شعر/ نافل علي 19 / 4 / 1431هـ
*****
*****
طعنت قلبي بالسيوف الرهافي
***
مجاراة الشاعر/ نايف ابن طالع للقصيديتين اللتين بيني وبين النايفة، واللتين
بعنوان ( ترى الله كافي - وارد وكافي ) :
الحــب يعرف من قديمات الأجيال = وما كل من واعدك بالصدق يافي
وان كنت يا نافل على مثل هالحال = طعنت قلبي بالسيوف الرهافي
شعر/ نايف ابن طالع 20 / 4 / 1431هـ
*****
*****
بسيفٍ يزيل الرأس الله ايكافي
***
ردي على رد نايف ابن طالع:
فعلٍ يا نايف طعن مهند وخيال = بسيفٍ يزيل الراس الله ايكافي
الحب نوب لراعي الحب قتال = يضحي ضحية حب بيض الرهافي
دوك الوليعي والدجيما بما يقال = موت الهوى ما حصلو له تلافي
كله سبايب حب زينات الأزوال = عراض البراقع ضافيات الغدافي
ما عاملن بالحب مسج وجوال = وقوف النواهد والخواصر هوافي
وأنا تراني مثل قولي بالأحوال=والمبالغه بالوصف لا تعدهافي
شعر/ نافل علي 20 / 4 / 1431هـ
*****
*****
وعلى المحارم بالرقاب انعطافي
***
مجاراة الشاعر/ ناصر مقبل النويجعي الحربي، وهي مشاركة منه، بالرد على
قصيدتي ( وعيني ما تطاوع للنفوس وهواها )، ضمن من قاموا بالرد عليها:
صدقت يا نافل بقولك بالأمثال = بسيف يزيل الراس الله أيـكـافي
لو للهوى حاكم وتوجيه برجال = لاشن حربٍ مثل سالم تشافي
ما اكف عنه الحرب والراس ما انزال = لشيل الجماجم من فروع الكتافي
قومٍ لقومٍ همها الجاه والمال = وعلى المحارم بالرقاب انعطافي
شعر /ناصر النواجعه المشرطي 21/4/1431هـ
*****
*****
غضير حب مرودعات الأشافي
***
ردي على مجاراة الشاعر/ ناصر مقبل النويجعي الحربي:
باسم الذي سمى اسماعيل وبلال = باني ومذن خير منصا وملافي
أبدا كلامٍ من طريفات الأقوال = مكملاتٍ يعجبن السنافي
يا ناصر أنت أبدعت وأحكمت الأغلال = على خطاة السرمدي الهلافي
اللي على محرم قصيره له اهذال = وللي يعرف اقصاه قلبه انصافي
له بالوباء مدخل ومخرج ومدهال = ولا جاء هل المعروف جاء به تشافي
حاضر أمين ولا اختفى النذل نشّال = يبني قصر ويهدم مصر بالخوافي
الله لا يشفيه في كل الأحوال = ويجعل طريقه من هلاك لمهافي
ويكفي البشر من سوء شينين الأعمال = أهل العلوم المقرفات السخافي
لا يضيق صدرك من عمل ذيك الأشكال = ثقال المساوئ والمحاسن اخفافي
عميٍ أهل سؤله ولا هو لنا فال = وعما يريد الله فيهم تنافي
أصحاب عين وخافي القصد غربال = سودٍ دخايلهم على كل خافي
والحب له أهلٍ نزيهين عَمّال = عن الوفاء ما يصير فيهم مفافي
كم من فتىٍ ما ألتذ بعمره ولا طال = غضير حب مرودعات الأشافي
شعر/ نافل علي 21/ 4/ 1431هـ
*****
*****
أنا فقدت الذاكره والشريحه
***
هذان البيتان هما من نوع الفكاهة، ولهما مناسبة هي إنني كنت في مجلسٍ ذات مرةٍ
فسمعت أحد الجالسين في ذلك المجلس يحدث شخصاً آخر بكلام عامٍ، غير مقصورٍ
على محدثه، بل حتى على سماعي، وسماع جميع الحاضرين، وسمعت من ضمن
حديثه قوله (( أنا فقدت الذاكره والشريحه ))، فنظرت إليه فإذا به يمسك بجواله،
وينظر إليه، فعلمت إنه يعني إنه قد فقد ذاكرة وشريحة جواله، ولكن الذي شدني إلى كلامه
هو قوله السابق، حيث وجدته على وزن شطر بيت شعر كامل، لا ينقصه إلا الشطر الآخر،
فأحببت أن أضيف إليه شطر ثاني ليصبح بيتاً كاملاً، وتمعنت بمعنى قوله، وما يترتب عليه
من معاني قإذا بهذه المعاني تصلح أن تكون فكاهية، فأكملت قوله بشطرٍ آخر، وأضفت فأصبحا بيتاً،
فأضفت إليه بيتاً آخر، كما يلي، أرجو أن ينالان هذان البيتان إعجابكم، وإستحسانكم، وإليكم هما:
أنا فقدت الذاكره والشريحه = وغديت أنا لا أحدي ولا أبدي ولا أعيد
ويا خوفتي تلفق عليه فضيحه = وأصير برأي الناس صايع وعربيد

*****
*****
مجاراة أول الشعراء:
احـيـان شـطـر يهـيـض أبــك القـريـحـه = واحيان شطر يجيب في صاحبه العيد
هــي هيـنـه ان كانـهـا مـــن الشـريـحـه = مـيــر الـبــلاء شـــي لايـنـفـع ولا يـفـيــد
*****
*****
ردي عليه:
صدقت يا راعي البيوت المليحه = يا شاعرٍ شعرك يجي وفق ما تريد
عساف لبيوت القصيد الصحيحه = ومشكور من عندي أمرار وتراديد
*****
*****
المجاراة الثانية للشاعر الأول:
يا حبني للأهل القلوب الصريحه = وياكـرهنـي لـلأهل النفــق والمناقيد
عمار ياوقـتٍ عســى الله يبيحه = يوم القلوب الصحاح ونرحل مع البيد
*****
*****
ردي عليه أيضاً:
وقتٍ مضا وقت الوجيه الفليحه = وقتٍ نقي ما به حداثه وتجديد
رغم الشقاوه والموارد شحيحه = رصيدهم طيب القيم والتقاليد
*****
*****
رد الشاعرٍ الثاني:
الهم من قلبك عسى الله يزيحه = وتضبط لك الدنيا على كيف ماتريد
تـرى المليح اللي اعلومـه مليحه = صيده من الجزلات يا حي من صيد
*****
*****
ردي عليه:
الهم يمك جعل ما الله يتيحه = وتلقا السعاده وين ما تروح وتزيد
والناس كلٍ له أسلوب وقريحه = وهرج الملاحه من كلام الأجاويد
*****
*****

المجاراة الثانية للشاعر الأول، أو رده على الأبيات السابقة:
تبي الكلام الي مــؤكــد صحيحه = هــو هــو وقـتك لايقــدم ولا يعــيد
من طاب طيبه أستحق المديـحه = ان كانه بعصرك او ان عصر ابوزيد
*****
*****
مجاراة شاعرة:
الهم ماجاء بالقلوب المريحه = وإلا اقلوب أهل الشقاء همها يزيد
*****
*****
ردي عليها:
ياللي تعذر في ضياع الشريحه = ياعنك ماتدري الخلايق مناقيد
كثرت سكاكين الجمل في مطيحه = لافكها مسعد يناديبها اسعيد
*****
مجاراة الشاعرة الثانية:
رح للمشغل والغ خط الشريحه = وارتاح واترك هرجة عبيد مع زيد
يا أبو علي راع العلوم الصريحه = ما أنته بصايع لــــــو يقولون عربيد
*****
*****
ردي عليها:
يا عل يفداك الوجيه القبيحه = اللي على درب الفضايح ملابيد
تسولف بها على سماح وسميحه = تغتاب بالغيبه أعراض الأجاويد
*****
*****
مجاراة للشاعر/ هابس ابن مغاط:
واخذت بالطاروق قومه وطيحه = وتشتت عندي بحور الاناشيد
رغم المشاعر مع وجود القريحه = الا اني ابقى في هموم وتناهيد
شعر/ هابس المغاط

*****
*****
ردي على الشاعر/ هابس ابن مغاط:
وا سوريا يا خوي باتت جريحه = كل يوم تحصد من أبطال الأواليد
يعل أعداءهم بالمشانق ذبيحه = مقيدينٍ بأبشع الأسر تقييد
هذا وتسلم والنوايا صريحه = وأقبل تحياتي على كيف ما تريد
شعر/ نافل القمامي
*****
*****
وانا فقدت مغيزل العين تدرون
***

هذه القصيدة للشاعر/ نافع هجاج قيران العلوي ( الهجاج )، قالها مجاراة لقصيدتي
( أنا فقدت الذاكره والشريحه )، والتي قلت قصيدتي الآتية ( من أي حيٍ يكونون ) رداً عليها:
انته فقدت الذاكره والشريحه = وانا فقدت مغيزل العين تدرون
يامل قلبن ماهدى فيه ريحه = بس يتصافق بين طاعن ومطعون
اقفو مع الى روحو بالفسيحه = اخر نهار الدرس قامو يشيلون
قلت الوداع وقالها لي صريحه = انا على عهد الوفا لو يقولون
لولا الحيا والناس واخشى الفضيحه = لنهب صخيف الروح وانتم تشوفون
تكفى يا بو نواف حالي جريحه = من واحدٍ سبب على الكبد طاعون
ارجو تجيه وتنصحه لو نصيحه = قله يرد لو هي بدقة تلفون
شعر/ نافع هجاج قيران العلوي
*****
*****
من أي حيٍ يكونون
***

هذه القصيدة الآتية قلتها رداً على قصيدة الشاعر/ نافع هجاج قيران العلوي ( الهجاج )،
( وأنا فقدت مغيزل العين تكفون )، وهي مجاراة لقصيدتي( أنا فقدت الذاكره والشريحه ) السابقة :
يا خوي يا الهجاج من هي المليحه = من هي وأهلها من أي حيٍ يكونون
عساي أحاول لك بخطبة مديحه = الجادل اللي حط في قلبك طعون
نبي نجيهم في اوجيهٍ فليحه = لعلهم لسوق الوجاهه يلينون
والله ما يساوي بحقك ذبيحه = مهما طلبوا من حد ميه لمليون
لو أطلب أهل الخير وأصيح صيحه = وبشاية الله بالطلب ما يتوانون
وأرجو جنابك واطلبه واستميحه = عذراً عن اللي ما يجي حسب قانون
شعر/ نافل علي
*****
*****
لا تاخذ الايام بكثره هقاويك
***
هذه القصيدة للشاعر/ نافع بن هجاج بن قيران العلوي الحربي:
يالله دخيلك عن مشاكل بلاويك = ويالله دخيلك عن خطاة القلابه
بعض العرب شوفه على الارض يذيك = وبعض العرب تكره مقابل جنابه
وبعض العرب تفرح الى جاك ناصيك = تقدم الماجوب وتحسب حسابه
وبعض العرب دايم على الخير يهديك = يضحك حجاجه مايعرف الكأبه
وبعض العرب لا هذي ولاذي ولاذيك = طبعه غلط من ساس اول شبابه
لا تاخذ الايام بكثره هقاويك = يجيك يومن ماحسبنا حسابه
والضيف لاتعطيه مقرن علابيك = خله صديق ومن قريب القرابه
وخلك بدرب المرجله يقتدى فيك = احفظ عمود الدين واحفظ كتابه
وقولة هلا لا جيت تقهر معاديك = خطو الدليخ اللي من ادنى القرابه
اللي حكى بي يوم انته حكى فيك = لو تساله ما جاب حتى الاجابه
نمام بالمقفي وشره مقافيك = هذاك والله ماحسبنا حسابه
الشاعر/ نافع بن هجاج بن قيران
*****
*****
وسجل على الصفحات عندك اعجابه
***
هذه الأبيات قلتها مجاراة لقصيدة الشاعر/ نافع بن هجاج بن قيران العلوي،
التي قبلها:
جاريتني واليوم أنا جيت أجاريك = ببعض الصفات اللي تخص القلابه
بعض العرب حاضر كلامه شرابيك = ضارٍ على اللجه وكثر المجابه
يدجرك في ذم القرابه ويوذيك = وعند السفر ذم القرابه زهابه
تكرم رذيل وفيه خصله من الديك = وينعق نعيق البوم وسط الخرابه
حتيش لو صوته مزركش ويغريك = عادة جمال الصوت عند الربابه
لا بارك الله بالعفون الصعاليك = هذا ومثله يبعد الله ترابه
واقبل تحيات الوفا من بناخيك = وسجل على الصفحات عندك اعجابه
الشاعر/ نافل علي القمامي
*****
*****
قمامات يوم الخيل وعيشة صعاليك
***
هذه القصيدة مساجلة بعثها إلي الشاعر/ نافع هجاج قيران العلوي،
قالها رداً على قصيدة المجاراةٍ السابقة، ( وسجل على الصفحات عندك اعجابه )،
والتي قلتها مجاراةً للقصيدة التي قبلها، ( لا تاخذ الايام بكثره هقاويك )،
والتي هي للشاعر/ نافع الهجاج أيضاً:
شكراً يا ابونايف والله يعافيك = شيكك وصلني واكتمل في حسابه
كل الرخوم رخوم تسلم اياديك = تكرم عن اللي ما يثمن جوابه
شاعر واديب وجعل ربي يهنيك = كلٍ قرأ لك واحتفظ في كتابه
الطيب ساسك من قديمٍ بأهاليك = قدامك اللي ما يعرف المهابه
قمامات يوم الخيل وعيشة صعاليك = كم فارسٍ خلوه وسط الضبابه
يشهد بها الانجل وهذي بعد ذيك = خلوا عقيد القوم تشبع اذيابه
ثار الفتيل وجهزوا بالمشاويك = مضرابها بالشيخ من حد كابه
عند الرفيق يبيع نفسه ويرضيك = والجار عيوا لا تصادر اركابه
وجهت لك بيتٍ وانا فيه اجاريك = امدح به الطيب واحسب حسابه
شعر/ نافع هجاج قيران العلوي 15/2/1434هـ 0
*****
*****
واحسب احسابي جاهزٍ منك وإليك
***
هذه القصيدة قلتها رداً على قصيدة الشاعر/ نافع هجاج قيران العلوي السابقة،
( قمامات يوم الخيل وعيشة صعاليك ):
يا مرحبا بك كل ما حل طاريك = وعداد ما هل المطر من سحابه
جاني كلامك سدد الله مساعيك = شعرٍ جزيل ويتصف بالذرابه
وشكراً على ما قلت بي من معانيك = عني وعن من قلت به بالنيابه
واحسب احسابي جاهزٍ منك وإليك = على الطلب في كل حاجه وبابه
أنته رفيق ولك علينا نبديك = منك الطلب وأنا علي الاجابه
يالطيب اللي طيباتٍ مباديك = ومن لابةٍ بالطيب يا وي لابه
واقبل سلامي جعل ربي يخليك = ويجزاك في خير الجزاء والإثابه
شعر/ نافل علي القمامي 15/2/1434هـ 0
*****
*****

الله يقطع ساعة الفقر والقل
***
كل الأمور الكايده تقبل الحل = إلا الفقر لا حل ما فيه حيله
الله يقطع ساعة الفقر والقل = تهين راعيها وتعمي دليله
ولا يشوف غير الناس فيها يتوسل = أما من الأصحاب وإلا عميله
يجي لهم في حالةٍ كلها ذل = غير الطلب ما من أمورٍ بديله
يا الله يا اللي تعقد العقد وتحل = تحلها يا ميسّر المستحيله
يا رب تغنيني عن البعض والكل = أجعل لحظي من غناتك وسيله
مالٍ حلال وكل ما يجيبه يحل = بدنياي وآخرتي جنانٍ ظليله
نافل علي الحربي
*****
*****
جـاه الفـرج مـن عنـد ربــه بحيـنـه
***
مجاراة الشاعر/ نافع هجاج قيران الحربي ، لقصيدتي ( الله يقطع ساعة الفقر والقل ) السابقة:
قبلك رسول الكل ما يسكن الظل = حط الحصا من فوق بطنه يعينه
ما تضيق ألا تنفرج بعده بحل = ويبدل العسرا بيسرا يمينه
لاضاقت الدنيا خذ القبله وصل = على الرسول وخلها بالسكينه
ترا الرجل ما يذل لو حده القل = راعى الكرم ينصر و ربه يعينه
حجرف فقير وخلوه ربعه ورا التل = جاه الفرج من عند ربه بحينه
جته تداحم تدرج كنها الظل = صفرٍ على المقهور ترجح بزينه
اصبر بصبرٍ لا تجزع ولا تمل = الصبر مفتاح الفرج من سنينه
شعر/ نافع الهجاج

*****
*****
اشد من فقر الجيوب المحيله
***
مجاراة الشاعر/ عياد فايز البسيس ، لقصيدتي ( الله يقطع ساعة الفقر والقل ) السابقة أيضا:
صح الله اللسانك وتسلم وياعل = يقبل دعاك اللي بيده الوسيله
الواحد اللي ماتوانا ولا كل = اللي كفل رزق البنادم يجيله
وقافك يا أبو نواف هذا اليا دل = عن شي فهو ان التعفف فضيله
وان القناعه كنز بالقلب لاحل = تغلب عليه وتقنعه في حصيله
لان الفقر بالقلب لا انصاب واعتل = اشد من فقر الجيوب المحيله
هذا وانا يامل قلبٍ ويامل = عينٍ تولجها السهر كل ليله
تبي لها حفنة ملايين وفلل = تعيش فيها أحلام يقظه جميله
وإلا الصراحه كان هرج المزح زل = صحه وأمانٍ ما ندور بديله
الشاعر/ عياد البسيس
*****
*****
ويدفع على فرقا قباله ارجاحه
***
وجدت البيتين الآتيين وهما من شعر الشاعر/ عياد فايز البسيس، فأحببت معارضتهما
على سبيل المداعة، وهما:

محدا يبي حظ دبل كبد راعيه = ويدفع على فرقى قباله ارجاحه
حظ الياشاف السنع مايدانيه = اما اعقبه ولا عطاه انسداحه
شعر/ عياد البسيس
*****
*****
اللي إلى قرب الفشل منه شاحه
***
وهذه مجاراتي لهما:
حظٍ مثل هالحظ وش ينبغي فيه = يهبا وعلى قبره تثور النياحه
لا صار ما يجيب الفوايد لراعيه = انصح عنه من يستمع للنصاحه
ما يبيع مقاوم صاحبه قال ابا اعطيه = وذكر عيوبه بكل صدق وصراحه
بعض الحظوظ ألوا من اللي يلويه = مشهور في درب السنع بالقباحه
يمر به زور الغنايم ويخطيه = مثل الغشيم إلى نزل للسباحه
عزاه لمن حظه قريبه معاشيه = بدرب المطالب ما يساعد نجاحه
ويا حي حظٍ ناجحاتٍ مساعيه = اللي إلى قرب الفشل منه شاحه
شعر/ نافل القمامي
***
***
بريال بيعه لا تحمل اجراحه
***
وهذه مجاراة للبيتين اللذين هما من شعر عياد البسيس السابقين،
وهي للشاعر/ نافع الهجاج:
حظٍ على هالنوع ما الله مقديه = خله يولي جعل يكثر صياحه
جنب طريق الناس ما الله مهاديه = عن السنع اخطا طريق السماحه
وابوك حظٍ دابلٍ كبد راعيه = وش ينبغا لا صار مابه رجاحه
حضن على درب السنع يقتدا فيه = وحظٍ تعيس وجاهزٍ بنسداحه
وده حراج اسوق لاتحتفظ فيه = بريال بيعه لا تحمل اجراحه
شعر/ نافع الهجاج
*****
*****
كيف تحييها
***
هذه الأبيات وجهتها إلى الشاعر/ عيّاد فايز البسيس الحربي، عندما قابلته في 18 / 7 / 1428هـ،
الموافق 1 / 8 / 2007م، وهي من باب المداعبة، انظر رده عليها بعنوان" كثر شاكيها " لاحقاً:
لعل ما ضاعت الصوره = وإلا بعد جيت ناسيها
يا ابو فهد سوّ لك دوره = للذاكره كيف تحييها
باللي مضا فكرك أسطوره = كل المعاني يوديها
أشعارك بالكتب منشوره = كل ديرةٍ تنتشر فيها
لعل ليلى وتفكوره = تركيزتك ما اثرن فيها
امرضه أو دكتوره = خاوتك وأصبحت هاويها
الجيب لا صاحت اسيوره = لا تضغط الرجل ناسيها
خصٍ مع النِفْد بحروره = وفكرك مع اللي أنت باغيها
وترى الوحش تمسك اسيوره = المضالفه لا تراجيها
ذا رأي من ضمّنه شوره = وأعرف ما بالحال راعيها
الشاعر/ نافل علي القمامي
18 / 7 / 1428هـ
*****
*****
كثر شاكيها
***
هذه الأبيات للشاعر/ عيّاد بن فايز بن فراج البسيس العلوي الحربي( 1384 - 0000 هـ )،
قالها رداً على الأبيات التي وجهتها إليه السابقة، بعنوان " كيف تحييها "، على سبيل المزح والمداعبة،
عندما قابلت الشاعر عياد، ونحنُ على موعدٍ لأخذ صورة عياد الشخصيّة منه، لوضعها في ديواني،"
ديوان الشاعر نافل علي الحربي "، كما هي الحال موجودة في صفحة ترجمته في الديوان نفسه، والسبب
الذي دعانى لقول الأبيات هو إن الشاعر عياد، قد خابرني هاتفياً وحادثني أكثر من مرة، يخبرني تارةً بأن
الصورة فقدت منه، وإنه لا يزال يبحث عنها، وتارةً أخرى إنه قد نسيها في مكانٍ ما، وسيعود إليها لتكون
موجودةً معه أثناء مقابلتنا، فلما تقابلنا وجدت الصورة معه فعلاً، فأخذتها، وأنشدت الأبيات لأذكره بما قال
لي سابقاً، لعلي أرى منه رداً ظريفاً كما عودنا على إنشاء قصائده الظريفة، التي يجيد صياغتها، ويهذّبها،
ويسلك بها مسلك الجزالة، وإصابة الغرض، وقد فعل ذلك وها هي قصيدة الرد التي قالها، وإن كانتا
القصيدتان على عجالةٍ مني ومنه، أي قلناهما، في لحظات معدودةٍ، وهي ريثما كنت أشرب قهوة اللقاء عنده
فقط، أي كلاهما مرتجلةً على البديهة:
الفكر للذكر سبوره = نكتب عليها ونمحيها
آفةٍ مع الناس مذكوره = الذاكره كثر شاكيها
وعمر الفتى لا انتصف دوره = ضاعت اعلومٍ ينوّيها
وصيور الأيام معموره = ما دامت إلا لواليها
والحب كد فاتني دوره = وأطلب من الله بتاليها
وبخير والحال مستوره = وباقي الليالي نمضيها
وأن جتك الأبيات مكسوره = أنا لها وأنت راعيها
الشاعر/ عيّاد فايز البسيس
18 / 7 / 1428هـ
*****
*****
من قدر حاكيه
***
أبيات أثني فيها على الأخ الشاعر/ عياد فايز البسيس العلوي الحربي، على حميد خصاله، وسعة خُلُقه،
في حسن معاملته، وإحتفائه بنزلائه، ممن تصله بهم روابط، أو مآرب، فقد لاحظت ذلك فيه، من خلال
طول التجارب، وتكرار الأغراض التي تربطني فيه، فلا يزال يتجدد في جوده، وجهوده، بلا ملل، ولا كلل،
مما جعلني أندان لمكارم أخلاقه الفاضلة بالفضل، وأذكره بهذه الأبيات المتواضعة القليلة بحقه:
يا أبو فهد يا كاسر الشاذليه = يا معلّقٍ رأس المفطح بأذانيه
يا محتّرٍ للي دعيت وخويه = والعابر القيان واللي حواليه
يا منزّهٍ عن كل عوجاء ورديه = يا عارفٍ ما له وما كان يعنيه
يا عارفٍ في كل علم ولديه = يا مميزه عما يضاده يحاليه
ولك جلسةٍ عند المسيّر عذيه = يشوف نفسه يوم تسمع معانيه
وتنصت لقوله ما يفوتك خفيه = كلك سمع للهرج من قدر حاكيه
وتميزه في عرف حيه ونيه = تكشف مضامينه وتسبر مغازيه
وتقارن المعنى بعرفك حليه = من مكتسب علمك ومن ما تعانيه
وتدققه عن نزعة الجاهليه = وعلى الشموليه تقرر مراميه
وتعالجه بمقدمات القضيه = تازن على المنطق مفاهيم راعيه
تاقف بصف الحق في كل هيه = ونجمٍ على الباطل تقوّض مبانيه
تحرص على الحكمه لكشف الخفيه = وعن الرذيله كل علمٍ تعديه
الشاعر/ نافل علي القمامي
29 / 7 / 1428 هـ
*****
*****
من قدر حاكيه
***
أبيات أثني فيها على الأخ الشاعر/ عياد فايز البسيس العلوي الحربي، على حميد خصاله، وسعة خُلُقه،
في حسن معاملته، وإحتفائه بنزلائه، ممن تصله بهم روابط، أو مآرب، فقد لاحظت ذلك فيه، من خلال
طول التجارب، وتكرار الأغراض التي تربطني فيه، فلا يزال يتجدد في جوده، وجهوده، بلا ملل، ولا كلل،
مما جعلني أندان لمكارم أخلاقه الفاضلة بالفضل، وأذكره بهذه الأبيات المتواضعة القليلة بحقه:
يا أبو فهد يا كاسر الشاذليه = يا معلّقٍ رأس المفطح بأذانيه
يا محتّرٍ للي دعيت وخويه = والعابر القيان واللي حواليه
يا منزّهٍ عن كل عوجاء ورديه = يا عارفٍ ما له وما كان يعنيه
يا عارفٍ في كل علم ولديه = يا مميزه عما يضاده يحاليه
ولك جلسةٍ عند المسيّر عذيه = يشوف نفسه يوم تسمع معانيه
وتنصت لقوله ما يفوتك خفيه = كلك سمع للهرج من قدر حاكيه
وتميزه في عرف حيه ونيه = تكشف مضامينه وتسبر مغازيه
وتقارن المعنى بعرفك حليه = من مكتسب علمك ومن ما تعانيه
وتدققه عن نزعة الجاهليه = وعلى الشموليه تقرر مراميه
وتعالجه بمقدمات القضيه = تازن على المنطق مفاهيم راعيه
تاقف بصف الحق في كل هيه = ونجمٍ على الباطل تقوّض مبانيه
تحرص على الحكمه لكشف الخفيه = وعن الرذيله كل علمٍ تعديه
الشاعر/ نافل علي القمامي
29 / 7 / 1428 هـ
*****
*****
ترج الركيه
***
هذه القصيدة للشاعر ( أبو فهد) عياد فايز البسيس الحربي،
قرأتها وأهاضت قريحتي، وجاريتها بالأبيات التي بعدها:
الله من همٍ يرج الحشاء رج = رج الدلي اللي ترج الركيه
قامت تعاقبها ادلي تدالج = والماء قليل وتنتله زوبعيه
حايل ثمان سنين وعضودها فج = جفالة وادليها شوشليه
يملاهن الغراف لين الوذم كج = ولا ياصل المياح فيهن بقيه
علي الذي حبه بقلبي تدرج = غالي وانا ماشوف بالكون زيه
عياد فايز البسيس
*****
*****
صار به عنجهيه
***
مجاراتي لقصيدة الشاعر عياد البسيس السابقة:
يقول من هو عن هو الترف ما سج = ولا هس باله عن خياله شويه
هواه بقلبي له خيولٍ تسرج = تقفي وتقبل كل صبح وعشيه
يا أبو فهد بالقلب من حبها فج = والفكر معها بين روحه وجيه
كل ما عذلت القلب عن حبها لج = وزاد بهواه وصار به عنجهيه
يا أبو فهد القلب من حبها دج = وعشيقتي ما هي بقلبي حفيه
نافل علي القمامي
*****
*****
الوقت طرّف وانتحى
***
محاورة شعرية تعجيزية، على قافية صعبة، بين
عياد البسيس ونافل القمامي:

الوقت طر ف وانتحى = والعلم الاول والاخير
طول سبات المنتـدى = طول سبات المنتدى

الحب يوجد له رحى = وانا المعلم والخبير
لا جيت للضال اهتدى = لا جيت للضالٍ اهتدى
عياد البسيس
=======
الوقت من نام به صحى = وأسوأ التطرف بالضمير
هذا الخبر والمبتدى = هذا الخبر والمبتدى

والعود من تحت اللحى = لا انعاج ما يعدله بصير
أنا ما أحب الاعتدى = أنا ما أحب الاعتدى
نافل القمامي
========
اللي لا سولف ماستحى = كلٍ يحسب انه مدير

مايدري ان المنتدى = مايدري ان المنتدى
من انت ياميت ضحى = بيضه فقط لا لا لا غير
عياد البسيس
=========
ما جاك عن قصة جحى = وش قال بحساب الحمير
ركض مثل معنى عدى = ركض مثل معنى عدى
حلق الشوارب واللحى = كمبصرٍ يتبع ضرير
نافل القمامي
==========
اللي كتبته ما محى = اقر الكتابه يا بصير
جلد الربابه وانتدى = جلد الربابه وانتدى

ياقو سيلك يالنحى = اثرك يانافل خطير
الليل توه مابتدى = والقاف يادوب ابتدى
عياد البسيس
===========
أكتب على أحى أحى = وقل لي وترى سرك ابير
الظلع ما يهزه صدى = الظلع ما يهزه صدى

الشيخ أبو ناب ورحى = ولى على ذيل البعير
راحت مواعيده سدى = راحت مواعيده سدى
نافل القمامي
*****
*****
سلام يا شعار ديرتنا الكرام
***
محاورة بين مضحي جمران ونافل علي:
سلام يا شعار ديرتنا الكرام = اللي يبى الميدان يقرب لا يغيب
ظوامي الوراد ما ترجع حيام = وانتم هنا قدمه على جال القليب
مضحي جمران الحربي
أبشر بعزك يا الحشيم ابن الحشام = يا اللي دعيت أبشر بمن هو يستجيب
أبشر بمن ما يهاب وردات الزحام = الورد يشرب وانتظر ورد العزيب
نافل علي الحربي
لاهـنـت يا نافل وسلم يـاسلام = تسد فاللازم وتسلم يالاديب
انتم حمول الخيل عالين المقام = يا عيال ابويه يا منزحة الحريب
مضحي جمران
حط المحاله والرشا فوق المقام = وأبشر بمن يسقي الظوامي يا اللبيب
كم عندنا من واحدٍ راعي مقام = يسد بالغيبات ويخصم الطليب
نافل علي الحربي
شـربت ضـواميـنا ولا فيها كلام = مر يا حكم من يعطي الحق المجيب
لا معرفه شاعر ولا باسـمـه وسام = مقيولـه يالطيـب تـرى ما لـك نصيب
مضحي جمران
ان كان بالدعوى تخلف واعتصام = السيل ما يجري إلى غير الشعيب
ترى الربيع اللي يطيح ابه النظام = فعايله يخشى عواقبها الأريب
نافل علي الحربي
اليا حصـل تقدير منكـم واهتمام = دق التحيه للواء فرد ورقيب
وكان الرياسه عن فصايلها نيام = ماتنضبـط مـدام ما يوجـد حسيـب
مضحي جمران الحربي
ما كل من يلزم يطيع الالتزام = وجل التصادم عادةٍ عند الصليب
ان كان شفت السوق ما يشجع تمام = بدل به المعروف عندك بالغريب
نافل علي الحربي
*****
*****
يا من يجاريني على قافية أط
***
مساجلات بين نافل علي وعياد فايز ومضحي جمران:
الصقر صقر ولا يوصف على البط = ويمشي سريع إلى مشى ما يقاطي
وله مرقبٍ بأعلى المراقب به ينط = والبوم بالغيران صوته يطاطي
وصيده اسمان وللنشاما يلقط = وبالسعر ما يقدر عليه الهياطي
ولا يأكل إلا صيد كفه إلى سط = والنسر ما بينه وبينه تواطي
ولا كل صقرٍ للصقارات ينحط = مثل البشر فيهم صميدع وواطي
كم واحدٍ يبر للصقر ويزط = غير اللحم يشري علف بالقواطي
وبعد سنه ما بين شيله وله وط = يطلع حلال القوم ما هو بساطي
لا هده الصقار عوّد يوطوط = رجع على راعيه من غير باطي
وإلا على الأرطى لقاه يتمغط = إن ما انثبر واندس بين الأراطي
يا من يجاريني على قافية أط = وآخر مشد البيت والقاف آطي
وأنا انتظر رده على الواتس والخط = ما أترك متابعتي معه وارتباطي
نافل علي الحربي
*****
*****
مجاراة الشاعر/ عياد فايز البسيس، للقصيدة السابقة:
***
مع ريحة اللي بالمجالس اليا عط = يقعد خوى رأس هجره النشاطي
هاذي مجاراتي على قافية اط = قافٍ بداه بأط وانهاه بآطي
شاعر وأديب ومن عرفناه ما قط = ردو عنه وسط المجالس اهياطي
يسعى ورا الجزله ويتعب ويشتط = ويحط من فوق الحروف النقاطي
يبذل نفيس المال ويشيل ويحط = ويزيح عن وجه الصحيح المغاطي
امولفاته شاهده ما تخبط = وعن الحقايق ما تقهقر وشاطي
بذل اجهوده ما توانا ولا غط = يفداه من يانس براد البلاطي
يعل يفداه الرعاع الزحلط = اللي ذكرهم بالقصيد المقاطي
اللي يلطون البحر بالسعه لط = لطتهم الدنيا على غير باطي
واختامها مع ريحة العود لا عط = ممزوجةٍ مع فرحتي واغتباطي
أنا بذلت الجهد يا الذيب الأمعط = حسب المعرفه ما ذخرت احتياطي

عياد فايز الحربي

*****
*****
مجاراة الشاعر/ مضحي جمران الحربي، للقصيدة السابقة ايضاً:
***
قام وحدانا للكمين المزبط = ارواح جاروني ومن غير باطي
تراي ما ارحم صاحبي لا تخبط = هو ليه يفزع دام ما به نشاطي
تمون يا نافل علينا وتشرط = وحنا لزوم ننفذ الاشتراطي
ابشر ولا انته يا القمامي بمحبط = لا اشتط للدعوه خطاة الحباطي
حباط لا منه عن الواجب ارقط = المرقط اللي مثل عين الرهاطي
كنه على هداج والا على الشط = لا شاط فكره للجزيله وشاطي
قام ايتنقاء ما بقى بالمخطط = من حرص يجي بالحلال اختلاطي
وقامت هواجيس القريحه تخبط = اللي عليها الزام والاحتياطي
اللي كساها الملح تقدم وتقلط = ولا قلطت على الطعام الصماطي
تجي على مطلوب فكره وتزبط = ومع الجزايل له قديم ارتباطي
واسلم وسامحني ترى العبد يغلط = والهرج دايم فيه صايب وخاطي
مضحي جمران الحربي
*****
*****
الصدق هو والكذب كالماء والسراب
***
الصدق هو والكذب كالماء والسراب = ولا فرق بين اثنينهم بوجه الشبه
الفرق إلى حضر حديهم ذاك غاب = يغيب المتشبّه والحقيقي يغلبه
وبالشرع راع الكذب به نقص وعياب = ولو جاك يشهد بالحقوق يطق به
والويل لراع الكذب في يوم الحساب = في حين كذبه كالسراب يخيبه
في حين راع الصدق يُجزا بالثواب = والفوز في كل المسايل مكسبه
ودايم وراع الكذب ما عنده صواب = ويخيب اللي يرتجيه ويطلبه
مثل الذي ينقل شخط ما به ثقاب = وعليه ثوبٍ به مخابٍ مثقبه
وعند السفر ما يشيل من بيته زهاب = الله يقطع ذاك ويقطع مذهبه
ولا اقفا المقفي يلدغه لدغات داب = لو كان ما به عيب قام وحطب به
الله يكفيناالداب من بد الدواب = حيثه إلى جاور مجاور يلسبه
يا معشر الشعار خلوها اكتتاب = نبي مجاراةٍ تهز الملعبه
نبي ألحانٍ كنها دقة حجاب = أوزان شعرٍ من سمعها تطربه
نافل علي الحربي
*****
*****
السنع ما هو سوا والبربسه
***

قصيدة مساجلة للشاعر/ نافل علي القمامي، موجهها
لصديقه الشاعر/ عياد فايز البسيس، يطلب منه فيها
مجاراته، على نفس القافية، وهي قافية صعبة جداً:
يا أبو فهد ودنا ردك لأخوك = من جديد الشعر ما هو مرمسه
القصايد كيفها في زين حوك = السنع ما هو سوا والبربسه
كم أشعارٍ كنها صوغة سبوك = وكم أشعارٍ عن هدفها ممرسه
أبرم الأفكار مثل إبرام دوك = واختر أبياتٍ أجزال محمسه
شغّل أفكارك وحلّق بالمكوك = اكتشف شيءٍ جديدٍ ندرسه
نبي شيءٍ فوق ما هو بالبنوك = من أشعارك وأنت بعرفك مدرسه
شعر/ نافل علي القمامي
*****
*****
كل عرفك يا هجوسي كرّسه
****
رد الشاعر/ عياد فايز البسيس، علي القصيدة السابقة، التي وجهها
إليه الشاعر/ نافل علي القمامي، وهي على قافية يصعب النظم
عليها، ولكن الشاعر عياد لم يصعب عليه الرد، بل رد رداً فورياً،
وها هو رده:
يا هجوس الشعر جاوب من دعوك = وكل عرفك يا هجوسي كرّسه
مع شذا أطيب ريح زهره في تبوك = وسط بستانٍ اتكوسر غرّسه
الله انه يرحم اللي عقبوك = في مقابيل الزمان ودرّسه
به عصيد يلوك كبد الهرش لوك = وبه قصيد وعالمٍ متمرّسه
فرقهن فرق الغوارب والوروك = ما يفيق الخبل لين تخرمسه
والمعذره منك يا نافل فدوك = عالمٍ بالملعنه متدرّسه
شعر/ عياد فايز البسيس
*****
*****
اعتبر نافل دعاك بمجلسه
***
شارك الوافين مافيها شكوك = واعتبر نافل دعاك بمجلسه
هاجسي دام الرفاقه حركوك = الجزيل من الشعر لا تحبسه
شبهو جزلك على كنز الملوك = راس مال اللي يباريه حرسه
كان بعض الناس بالهزل ابتلوك = الغشـيـم نقول هاته ورفسه
وارفع البيضاء لشجعانٍ حموك = تطرح الخيال من ظهر فرسه
اتنومس كان شادو وشكروك = واقبل البشت المطرز والبسه
شعر/ مضحي بن جمران
*****
*****
الدلي بالماء القراح مترّسه
***
نعرف ان العود من عرض البشوك = الدلي بالماء القراح مترّسه
أحسن المدات تتبع هات دوك = هات وحده للكريم مفلسه
يا شجاعٍ بالشجاعه مثل أبوك = ورّد الهياب والمولى حرسه
جعل يفدونك خبيثين السلوك = عالمٍ فيها انحراف وغطرسه
شعر/ نافل علي
*****
*****
طلبت من الأخ الشاعر/ مضحي بن جمران، رقم جواله، فأعطانياه شعراً،
قائلاً:
على صفر خمسه صفر ست اربعه بالحال = وبعد تسعتين اضرب على ون فـرداني
وحط اربعه جنب اربعه ياوسيع البال = مجرد ثواني لانت مع ابن جمراني
شعر/ مضحي بن جمران
*****
*****
لقينا كلامك صدق والأول الثاني
***
هلا ومرحبا بك عد ما لاح يوم اهلال = وعدد ما وقع بالأرض من طش وداني
قلبنا الحروف أرقام نشغل بها الجوال = ولقينا كلامك صدق والأول الثاني
ظهر بعد ضغط أوكيه لي جارٍ الارسال = وعرفت ان رقمك مثل ما بالخبر جاني
شعر/ نافل علي


مع تحيات كاتب الموضوع

الشاعر/ نافل علي الحربي




 


رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


RSS RSS 2.0 XML MAP HTML

الساعة الآن 05:25 AM


Powered by vBulletin® Copyright ©2000 - 2019, Jelsoft Enterprises Ltd.
Content Relevant URLs by vBSEO 3.6.0
Ads Management Version 3.0.1 by Saeed Al-Atwi

هذا الموقع يتسخدم منتجات Weblanca.com
HêĽм √ 3.1 BY: ! ωαнαм ! © 2010
new notificatio by 9adq_ala7sas