الموضوع: ساعة تلاقينا ..!
عرض مشاركة واحدة
قديم 02-14-2014, 11:16 PM   #1
محمد الصنيدحي
شاعر


الصورة الرمزية محمد الصنيدحي
محمد الصنيدحي متواجد حالياً

بيانات اضافيه [ + ]
 رقم العضوية : 70
 تاريخ التسجيل :  Nov 2012
 أخر زيارة : 08-10-2019 (02:00 AM)
 المشاركات : 17 [ + ]
 التقييم :  10
لوني المفضل : #7D7F82
افتراضي ساعة تلاقينا ..!




ساعة تلاقينا و ناظرت حالها = أرعبني اللي من دهرها جرالها
من لوعة الفرقا ومن قسوة الزمن = ومن دورة الدنيا وقسوة ليالها
وطال السكات .. وطال قبله وقوفنا = وكل ٍ بصدره كلمة ٍ ليت قالها
وبكل ّ عطف ولطف واحسان نظرتي = وعرفت من نظراتها حزن بالها
وتهاملت عبراتها من حنينها = و أبكت عيون ٍ تبكي اللي بكالها
وجاوبتها بصوت ٍ كسى الخوف نبرته = عقب الليال اللي سهرنا طوالها
تكفين لا تبكين ما فات وانتهى = وسعادة الأيام صعب ٍ منالها
بيني وبينك قصة ٍ صعب تنّسي = على النقا قدام يعلن زوالها
قالت .. كفايه .. كفكف الدمع .. و اكفني = ولو ما اكتفيت .. أقفيت .. و اقفت بفالها
و وقفت عيّت تقطع الدرب خطوتي = وقابلت ظلّي عقب ماني قبالها
مدري صحيح اللي عيوني تناظره = ولاّ انّي أتوّهم واحاكي خيالها
ومن العنا والهم والحزن والشقا = ما تقبل اذني كل عاذل حكالها
وجسمي نحل واتعبت روحي بغلطتي = يا ملّ روح ٍ توفي اللي وفالها
والنثر .. والاشعار .. والسرد .. والادب = أزريت لا اشرح قصتّي من خلالها
أنا الغريب اللي طوى الياس رحلتي = لي قصة ٍ حتّى عذولي رثالها
ايو الله أعشقها عشق .. صعب ينوصف = و ظلالي حتّى هايم ٍ في ظلالها
محبة ٍ يصعب على الشعر وصفها = وعلى رواة الحبّ صعب ٍ مقالها



ابوراكان انقطعت اتصالاتك عسى المانع خير وانا رجعت من خارج المملكه وتغيرت جوالاتي وطار رقمك شرفني باتصال على رقمي اللي اخره 66666



 

رد مع اقتباس